Monday, July 9, 2007

افتحوا المعبر


كنت أتصل بالدكتور عطالله أبو السبح وزير الثقافي الفلسطيني السابق في حكومة حماس كي أطمئن عليه فكانت اجابة الرجل الودود جدا مفجعة اذ مع أول كلمة ينطق بها خلال المكالمة افتحوا المعبر يا عم الشيخ الناس بتاكل الحصي في الأرض هناك أي عند بوابة معبر رفح
الرجل وهو يطلب مني أن نفتح المعبر وكأني المسئول عن اغلاقه شعرت أنه يلتمس كل مصري جدع أن يقف بجوار اخوانه الفلسطينين العالقين علي المعبر لأكثر من اسبوعين ومعظمهم من الطلاب الذين أنهوا عامهم الدراسي أو مرضي كانوا يعالجون بالقاهرة ,الدكتور عطالله الذي يقطن برفح الفلسطينية ويري معاناة اهله من الناحية الاخري ولا يسطيع أن يقدم لهم يد العون قال لي الناس فلوسهم خلصت واللي كان مأجر شاليه يستر فيه أولاده معدش معه فلوس تاني للتأير فصار الشارع هو مأوي الاطفال والنساء , وضاقت الامور أكثر فلم يعد معهم حتي ثمن شراء الطعام فأعلنوا الاضراب ليس فقط موقف ضد التعسف المصري في غلق المعبر ولكن للعوز وعدم وجود مساعدات أو عناية بهم
وكنت تحدثت مع أحد الأطباء الذين ذهبوا للعريش في رحلة اغاثة للعالقين علي المعبر فرد علي لا يوجد وصف أستطيع أن أصف به حالة هؤلاء الناس سوي أن حكومتنا ( المصرية ) حكومة (قذرة ) وهذا مع التخفيف مني في اللفظ , فقال لي الناس ملقاه في الشارع دونما أي اعتبار للسن أو المرض أو النساء
مصر التي تستغل ما يحدث في فلسطين لتسويق نفسها أنها الوسيط الوحيد القادرة علي ادارة المفاوضات تكسب كل يوم كره أقرب الناس لها وهم الاخوة الفلسطينين وهو عنصر أساسي بواية الأمن القومي المصري
لكن الذي أكدته لأبي الفلسطيني الدكتور عطالله أننا المصريين أبدا لا نرضي بهذه المهزلة بل نحن عالقون علي معبر الحرية في هذا الوطن ومشردون أيضا
لكن هل من الممكن أن يكون لنا دور لمساعدة العالقين علي المعبر سواء بالضغط لفتح المعبر أو تقديم يد المساعدة لهم علي الأقل

33 comments:

  1. أنه يلتمس كل مصري جدع أن يقف بجوار اخوانه الفلسطينين

    ـــ

    وهو ما يجب على كل مصرى فعله وليس كل مصرى جدع .. احنا حكومتنا كما ذكر الدكتور انها قذرة .. ونحن لا نقبل ان ننتمى لهذا اللقب اذا فعلينا التحرك ..

    للاسف لان المصرى يرى ان عروبته ووطنيته تندرج تحت كرة القدم والفوز فى المبارة .. والشباب المصرى الذين يهللون ويكبرون ويصرخون لدخول جووون

    هذا حقا ما استاء لسماعه ... هما دول شباب مصر وان جيت سالت واحد فيهم عن فلسطين .. يقولك يعنى ايه فلسطين ... لكم الله يا اهل فلسطين

    .......

    يجب علينا التحرك سواء بالمساعدات الماديه او نشر القضيه فى الاعلام العربى والغربى وعرض القضيه على منظمات حقوق الانسان .. اذا كانو حكام بلدنا طلعو عملاء ... فنحن لا نرضى ان يطلق علينا هذا فيجب علينا التحرك من اجل من يحتجزون فى رفح ومن اجل كل اطفال غزة

    ReplyDelete
  2. لا حول ولا قوة إلا بالله...

    إنا لله وإنا إليه راجعون

    ReplyDelete
  3. انا راى

    يجهجموا على المعبر ويدخلوا بالعافية

    حيجرى ايه اسواء من اللى جرى

    28 واحد وواحدة ماتوا
    وفلوسهم خلص طبعا

    حسبى الله وتعم الوكيل

    ReplyDelete
  4. حسبنا الله ونعم الوكيل...
    وبيدعوا أنهم مسلمين طب بأمارة إيه؟؟
    إنشاء الله سوف نرى يوما فى الظالمين عما قريب
    وربنا يعينا على ما ابتلينا بيه

    ReplyDelete
  5. انه العجز
    كثير ما أفكر كيف ينظر اخواننا الفلسطينين الينا بعد كل تصريح مستفز من مبارك او وزراء خارجيته
    هل سيدرك البسطاء منهم ان مصر ليست هؤلاء
    هل سيعلمون ان كل أم تبكى مع اختها الفلسطينيه
    ان كل طالب يذكر وهو أمن فى سربه ان له أخ يمسك بكتابه خائف من رصاصات الخنازير
    أن كل اعلامى يذهب الى الاستوديو يتذكر مصور الاقصى الذى فقد قدميه وهو عاجز عن أن يرفع لافته تضامن معه
    لنا الله جميعا

    ReplyDelete
  6. أنا بأعمل تحقيق عن التدوين الاخوانى
    ومحتاج منك بعض المعلومات
    ممكن
    ؟؟؟؟؟؟؟؟؟

    ReplyDelete
  7. السلام عليكم ورحمة الله وبركاته

    والله انه للامر مجزى

    بمقارنه حال الصهاينه بارضنا الطاهره بحال اخوتنا بالدين واللغه

    يتضح مدى ما وصلنا له من خسه وحقاره

    ولا حول ولا قوة الا بالله

    ReplyDelete
  8. حكومة قذرة ديه كلمة صغيرة جداً جداً

    وبصراحة إخوانا الفلسطينيين يحمدوا ربنا إنهم معملوش معاهم زى ما عملوا مع إخوانا السودانيين :-)

    وانت بتقول عالقين من أكثر من أسبوعين
    أعتقد شهرين مش أسبوعين


    وحقيقة مش عارف ممكن إزاى نساعدهم
    بس لازم فعلاً نتحرك لأن مفيش حد غيرنا هيتحرك

    ReplyDelete
  9. شكرا اخ محمود
    وانا راى زى مبنحط صور المعتقلين نعمل صورة نحطها فى المدونات بتاعتنا عن معبر رفح
    ودى تبقى مساندة ولو بسيطة منا للفلسطينيين
    وممكن يعملنا الصورة بلوج حمساوى ديزاين
    اخوكم محمود

    ReplyDelete
  10. كان الدكتور جمال عبد السلام بيتكلم دلوقتى فى العاشرة مساءا عن اللى بيحصل هناااك

    فعلا اجة .. تبكى صاحب القلب الجامد

    بس احنا للاسف حكومتنا قلوبها صخر .. او بمعنى ادق
    شالت قلوبها وحطت مكانها حته حديد :(

    حسبى الله ونعم الوكيل

    ReplyDelete
  11. احنا ان شاء الله ندعيلهم
    علشان ده الي بايدينا

    ReplyDelete
  12. مش عارف أقوللك ايه بصراحة

    هل العيب علينا ؟
    و لاى العيب على حكومنتا .......معلش علشان الرقابة

    لكم الله يا أهل فلسطين

    ReplyDelete
  13. ربنا يخدهم كلهم

    فعلا والله العظيم الكلاب ارحم منهم

    ربنا ينتقم منهم

    ReplyDelete
  14. طبعا ندعيلهم

    بس المفروض يبقى فى اى حاجة

    حملة ولو على الاقل

    تعرف الناس اللى بيحصل على المعبر

    ربنا ينصرهم..هنا او هناك

    ReplyDelete
  15. لو في اي اقتراحات بمساعدة عملية
    انا اول واحد في الخدمة

    ReplyDelete
  16. زى ما اجمع الكل ان حكومتنا من قلوبا كالصخر

    ولكن احنا (الشعب ) مش كده
    ولو سكتنا احنا هنسأل عن كل واحد منهم

    ولازم ناخد حلول واقتراحات عملية
    ونبدا فى التنفيذ

    ReplyDelete
  17. والله هذه نذاله مش عارف فين الشهامه والنخوة اللى بيتمتع بيها المصريين اللى قافل المعابر اكيد مش مصريين اكيد يهود بس كنت عايز اسال حماس رافضه معبر كرم ابو سالم ليه

    ReplyDelete
  18. لا حول ولا قوة الا بالله
    انا نفسى افهم الناس اللى بتشوف قدامها مناظر الاطفال والنساء والشيوخ وهى متبهدلة بالشكل ده قلوبهم دى ايه
    ربنا يرحمهم برحمته
    وياخذ الظالمين اخذ عزيز مقتدر
    حسبى الله ونعم الوكيل

    ReplyDelete
  19. ياستاذ منعم كنا احنا صعبنا عليهم 0
    في مرة الدكتور راغب السرجاني رغم هدوئه الشديد قال كلمة جامده اوي داخلة دماغي لما كان اخ بيساله عن امن الدوله وكده قاله ربنا يخدهم اويهديهم ايهما اقرب0
    عز

    ReplyDelete
  20. والجملة دي تهدي للحكومة
    ربنا يخدهم اويهديهم ايهما اقرب0
    عز

    ReplyDelete
  21. يا اخوانا خلاص الكل اتفق علي حماس متنتظروش منهم حاجة خونة ربنا يلعن الظالمين

    ReplyDelete
  22. بس في الصحافة الاسرائيلية كانوا قايلين انهم هيفتحوا المعبر
    http://www.haaretz.com/hasen/spages/877732.html

    ReplyDelete
  23. أنا فعلا بعيط من الحزن و الخجل

    حسبي الله و نعم الوكيل

    متزعلش من اااي هقول يا منعم
    بس دي حكومة بنت ستين كلب
    و الله و ما ببالغ انا كل يوم اكتئابي و احباطي بيزيد يوم بعد يوم
    بقيت حسة اني عندي 70 سنة مش 20 بس !!!


    منهم لله


    حسبي الله و نعم الوكيل

    حسبي الله ونعم الوكيل

    ReplyDelete
  24. لا أدرى سببًا للإصرار المصرى على استمرار إغلاق معبر رفح .. يجب على الفلسطينيين جميعًا أن يرفضوا المرور إلا من معبر رفح الذى من حقهم المرور منه واقعيا وقانونيا

    ReplyDelete
  25. انشالله خير عقبالكم يااخوان ما تتحرروا الله يعينكم!

    ReplyDelete
  26. اعتقد ان ده دورنا بجد اان نتحرك احنا اللى ممكن نشكل ورقة ضغط على الاقل تفضح الصمت الحكومى على هذه الماساة
    انا بقترح نعمل موضوع واحد فى كل
    المدونات بصيغه واحده ونعلن
    (اسبوع العالقين على الحدود)

    ReplyDelete
  27. منعم أعتقد أن هناك دور يستطيع أن يقدمه شباب مصر لهؤلاء الذين لعنوا تراب مصر لما حمله عليهم من أذى وحر وعطش وجوع ورفض حتى لمواراه جثث أمواتهم
    أعتقد أن شخص مثلك يستطيع أن يتواصل مع نقابة الأطباء وهم ينظمون بدورهم حمله تضامن خيريه إنشاء الله نروح نساعد العجائز على الحركه نسندهم يعنى نروح نهوى لهم بمراوح يدويه أى حاجه بدل ماهتلعنا الأيام والأجيال
    حاجه تكسف
    بالله عليكم لا ننتظر الحكومه لأننا لانحكم بحكومه نحن نحكم بمحتل مصرى عميل

    ReplyDelete
  28. هذه كارثة انسانية تضاف لرصيد حكومتنا المصونة من الكوارث الانسانية التى ارتكبتها على مدى تاريخها الاسود الطوييييل
    هؤلاء الفلسطينيون يتمنون العودة لديارهم ومصر تعاون المحتل الاسرائيلى وتحقق له اماله فى حبس كل فلسطينى خارج حدوده عن العودة لبلده
    وحسبنا الله ونعم الوكيل

    ReplyDelete
  29. هو حضرتك بقالك فترة مش بتكتب ليه ؟؟

    عايز تدوينات جديدة

    ReplyDelete
  30. لا حول ولا قوة إلا بالله

    ReplyDelete
  31. اننا نساعدهم امر مفروغ منه لانه فرض علينا لكن السؤال لو احنا فتحنا المعبر نضمن منين ان اسرائيل هتدخلهم من ناحيتها

    ReplyDelete
  32. طبعا هقول حسبي الله ونعم الوكيل ...وكمان طبيعي ادعي لكل مظلوم ...واكيد ادعي على كل ظالم...وجايز ابكي..وجايز اصرخ.. وجايز اصاب بالجنون...لكن كي لا نتحول الي 70 مليون مجنون يجب ان نفكر جيدا ونتحرك سريعا وسريعا جدااااااااا..اولا:ممكن يتم تنظيم ندوة بنقابة الصحفيين يشارك فيها الصحفيون والمدونون الشرفاء...ويتم فيها جمع التبرعات من اجل ايواء العالقين الذين نفدت نقودهم واصبح مأواهم الشارع...وممكن ايضا يتم جمع التبرعات بشكل سريع عن طريق لجنة الاغاثة بنقابة الاطباء....فرجاء التحدث مع المسؤلين في هذه الجهة....ثانيا:التوجه الى رفح المصرية..نعم..عن طريق حزب او حتى فردي ..كل واحد قادر يروح ..يروح..ويشاركهم في مطالبهم ويدعمهم ويواسيهم....يبقى الدعاء والدعم المادي والدعم المعنوي......وكان الله في عون اخواننا الفلسطينيون العالقين هنا...والعالقين هناك...

    ReplyDelete

abdoumonem@gmail.com