Wednesday, July 16, 2008

التعليقات


لأول مرة أحذف تدوينة بالكامل لأن مستوي التعليقات تدني لحد لا اقبله لذلك قمت بحذف التدوينة نفسها لاني لست معتاد أن احذف تعليق حتي لو كانوا بيمارسوا عملية ارهاب

ارجوا ان يدرك المختلفون أدب الإختلاف وأن يدركوا أن هذه المدونة تخص شخصي وافكاري واسمها لن يتغير مهما حاول الاخوة المعلقين المجهولين عرفهم الله

23 comments:

  1. could you explain to us what this video was about ya abdel mon3em?

    ReplyDelete
  2. I mean I saw the video but I don't understand why you posted it
    By the way I am a pure conservative pro Islamic Egyptian, I just don't have an arabic keyboard ... I just wanted to know your point from this last post..

    ReplyDelete
  3. مش فاهم حاجةJuly 17, 2008 at 5:06 AM

    ياباشا التعليقات ماكانش فيها حاجة لحاد اخر حاجة انا شوفتها
    كلها كلام من ناس بتسال
    انتا راجل بتقول انا اخوان
    ايه اللى دخل الخشب وصفاء ابو السعود فى الموضوع
    ناس كانت مش فاهمة حاجة
    وناس كانت فاهمه وبتحاول تفهم اللى مش فاهم
    ناس فهمت ان دى احد مدارس الاخوان المتحضرة
    وناس فهمت ان دى فقرة ما يطلبوه المستمعون
    ناس قالتلك يافرحة الامام الشهيد البنا بيك
    وناس قالتلك يافرحة الاسلام بيك

    ناس قالتلك دى مدونتك انتا حر حط فيها اللى على مزاجك
    وناس قالتلك غير اسم المدونة وانشالله تحط هيفاء وهبى
    ناس قالتلك احنا فرحانين بيك
    وناس قالتلك عليه العوض فيك

    ناس قالت هوا ده انتاجك واضافتك للدعوة ؟؟
    وناس قالت وماذا بعد ؟؟

    ايه بقى المشكلة فى الكلام ده
    تشيله له ؟؟!!
    ما تسيب اللى يشتم يشتم
    ما هوا بيشتم على نفسه
    ورد على اللى انتا شايف انه جاد او فاهمك غلط ومحتاج تصححله وجهة نظره فيك
    بس الله يخليك
    انا غلب حمارى
    قولى بقى مين الخشب
    ومين صفاء ابو السعود

    ReplyDelete
  4. واحد يعرفكJuly 17, 2008 at 8:41 AM

    فعلا يافرحة الاسلام بيك

    انا مشفتش الموضوع لكن واضح انه تهليس ما انا عارف عبد المنعم وتهليسه
    وانت لو مقتنع ان الموضوع مفهوش غلط مكنتش شلته

    ReplyDelete
  5. Ya basha makansh fy mawdo3
    da kan video lesfa2 abo els3ood we hea betghany (ma3 eno khahsab fy khashab)...!!

    ReplyDelete
  6. أستحلفك بالله يا منعم تشرحلنا هدفك من التدوينة المحذوفة
    و إعتبرنا أغبياء و ما بنفهمش مخك الكبير يا سيدى

    ReplyDelete
  7. الاخ الحبيب عبد المنعم من الواضح انك اصبحت اقصائى بجد انا ماشفتش التدوينه ولا اللى فيها بس مش من اسس الديموقراطيه انك تحذف المدونه لمجرد بعض الافكار المعارضه لفكرك يااخى كن اكثر ليبراليه وتقبل وجهة النظر المعارضه مهما كانت حتى لو مختلف معاها انا شفت تونى بلير وهوه بيضرب بالطماطم ورغم كده كان بيبتسم وبيسمع كلام المتظاهرين مهما كان كلام واراء ووجهات النظر المعارضه ليك مسفه اكبر اسفاف هوه شطب المدونه حاتم ثابت

    ReplyDelete
  8. انا لما عرفت ان التدوينة من علي يو تيوب قلت مينفعش اعلق من غير ما اشوفها وبصراحة انا مختلف معاك لان مدارس الاخوان متعددة مختلفناش بس لا اعتقد ان حد فيها يبيح ان الناس تشاهد واحد ست بترقص علي مسرح وطبعا من غير حجاب انا متفق معاك ان الكلمات جميلة ومعبرة وكلنا محتاجين نعلم اولدنا ان القيمة في الجوهر مش المظهر بس لكن انت عارف ان الغاية لا تبرر الوسيلة يا استاذ عبد المنعم انا سمعتك قبل كدا بتتكلم وقابلتك في مؤتمر في نقابة الصحفيين السنة اللي فاتت واشهد الله اني احبك فيه ولا اتهمك في نواياك وان كنت اختلف معك ولكن نصيحة من اخ لك مشفق صلي لله وأسأله سبحانه ان يهديك لما اختلف فيه .

    ReplyDelete
  9. فاكر يا منعم المخلفين ورسالة قيصر الروم ؟؟؟
    اوعي تقع فى الفخ
    ربنا معاك ويرجعك عودة حميدة

    ReplyDelete
  10. Tayeb ma tenazel el tadwena tany bas men gher elshataeem
    3ayzen ne3raf eah elmawdow3 3alashan nefham

    ReplyDelete
  11. يا أخ طارق
    ماكنش فى تدوينة
    مجرد واحده واقفة ترقص على المسرح و عبد المنعم لم يكتب كلمة واحدة
    أنا نفسى يجاوبنى بس هو ظهور واحدة بترقص على المسرح حلال ولا حرام
    ولا يمكن ده دعاية لمدرسة جديدة من مدارس الإخوان يقودها منعم و كل شىء فيها حلال
    و الله أنا بدأت أخاف على الإخوان من أمثال عبد المنعم

    ReplyDelete
  12. يا عبد المنعم ارحم الجماعة
    يا سيدى قول اللى انت عايزه و اعرض اللى انت عايزه بس لا تتكلم بصفتك الإخوانية
    يا ريت تسمع كلام الناس و تغير اسم المدونه. ده أحسنلك و أحسن للجماعة

    ReplyDelete
  13. امنع التعليقات اكتم الافواه عاملهم كما تقول ان مشرفى موقع الجماعه يعملوا
    بكل صراحه انت غامض والناس عندها فضول تعرف ايه اللى حصل
    لكن انت من الواضح انك فرحان كدا والله انا متأكد انك فرحان بالشهره اللى انت فيها اول حاجه الاخوان شهروك وبعد كده شهرة انتقادهم لذاتهم وربنا يسامح اللى كان السبب
    اخلص وشيل من على المدونه اسم انا اخوان اكتب انا بنتمى لفكر الاخوان ولكن انت لست اخوان اخلص وماتبقاش (........) من ناحيه تقول انا اخوان وانت تقطع فيهم اخلص وشيل اسم المدونه وانا ادعوا لحمله على مدونات الاخوان وكل الردود اللى على مدونتك تقول لك فى كل تعليق زيل الاسم انت لست اخوان انت موقفك زى مع احترامى الشديد وحبى لحماس يقولون على الاستاذ القدير اسماعيل هنيه هو رئيس الوزراء ونحن نعلم انه هو الشرعى ولكن العالم كله يقول هو رئيس الوزراء المقال اخلص وشيل اسم المدونه لحسن هاتزعل وهاتلغى تعليقات كتير وفيه زيي من الشباب الغاضبين منك كثييير

    ReplyDelete
  14. الاخوة المعلقين حسبنا الله ونعم الوكيل في غربان السؤ امثالكم
    اعتقد ان اللي يقرأ تعليقاتكم في هذه المدونة سيخرج بصورة أنكم جماعة المسلمين وما ان خرج منكم احد في الأفكار إلا وأنه خرج عن دينكم فتكروه وتسفوه
    إلا أني أري دينكم ( الكبر بالجماعة ) وكانه دين قريش واري افعالكم مث افعال كفار قريش في ايذاء النبي والمسلمين
    اتمني منكم انت تواجهوا هذه الملة للاخوان الذين تمت تحقيقات اخوانية معهم وثبت فسادهم المالي والاخلاقي
    ومع ذلك ملزوقين في وشنا ليل ونهار
    حسبنا الله ونعم الوكيل فيكم يا غربان التعليق

    ReplyDelete
  15. السلام عليكم فيما يبدو من تعليقات حضراتكم اني دخلت مكان غلط كأن هذه المدونة مش بتاعتي مثلا
    اولا يا كرام انا كتير بأضع أشياء رمزية سواء صور وخاصة فيديو ولا أضع عليها أي تعليق وأترك التعليق لعنان القارئ وليس لاحد أن يجبرني أن أضع ما لا أريده
    اما فيما يخص اسم المدونة فأشعر أن أناس من قصار الفهم في حالة غيظ شديد من اسم المدونة ورغم ان هذا ليس أسلوبي علي الإطلاق لكني سأتبع نفس الأسلوب الصغير الذي تستخدمونه
    "موتوا بغيظكم "
    ستظل هذه المدونة بهذا الأسم وسأظل اخوانيا إلي ماشاء الله
    لأن الإخوان هي المدرسة الوسطية التي ابدعها حسن البنا بعد الأفغاني ومحمد عبده ورشيد رضا ومحمد اقبال ولم تشهد الحضارة الإنسانية أفكار وسطية ومعتدلة بعد هؤلاء العملاقة مثل ما قدمه الأستاذ البنا الذي وضع أسس أول مدرسة حركية ووسطية تفهم جديدا معني شمول الإسلام
    ووضع أول أطرها في أركانها الفهم قبل الإخلاص الذي أعتقد أن زاد الكثير منكم لكنه للأسف بدون الركن الأول
    وثالثا وضع ركن العمل
    اتمني ان يأتي اليوم الذي تفهموا قيمة الإختلاف لأنه ليس عيب أبدا بل ميزة
    اتمني أن تتعلموا في مجامبعكم أو أسركم أدب الإختلاف
    ومع الإختلاف الشديد مع تعليق كفار قريش والعياذ بالله إلا أن هذه الجماعة تعمل للإسلام وليست هي الدين نفسه
    والمقصود في أحاديث الإرتباط بالجماعة التي تسوقها كتب الدعوة المقصود هو جماعة الإسلام وليس الجماعة البشرية التي تدعوا للإسلام
    الجماعة مش هي الدين يا سادة واساتذتنا مش هم الأنياء
    ولسنا نحن الملائكة
    نحن بشر نصيب ونخطأ
    لا أدعي لنفس الحقيقة المطلقة والموضوعية والذاتية فهذه أشياء غير واقعية
    قد أكون أنا خطأ وقد يكون غيري هو الصحيح
    لذلك أنا لا أسفه من أفكار الأخرين احترمها واحترم اخلاصهم
    لكن لا احترم أبدا الذين لا يجيدون سوي السباب والشتائم
    أخيرا ويزعجني بشدة أن أقول ذلك
    هذه مدونتي الخاصة بي ولا تعبر إلا عن كياني الشخص لذلك من لا يسعه ولا يسعده ما أدون فلا يكلف نفسه عناء فتح المدونة من جديد
    ولكن مرحبا بكل المختلفين الذين يجيدون التعبير علي افكارهم في نقاش جاد

    ReplyDelete
  16. واحد يعرفك كويس يا منعمJuly 18, 2008 at 4:16 AM

    الاخ منعم اعرفك جيدا وكنت اعمل معك فى الجامعة لما بقرا مقال ليك وزعلك على حال البلد وعلى اخراس الافواه وتقول فين الحرية اتعجب يعنى طول عمرك بتمشى كلامك بدون شورى وبدون اخذ اراء الاخوة اللى معاك طول عمرك ديكتاتورى فى قراراتك ولا تحترم راى المعارض ليك يبنى الاخوان هم اللى عملوك يبنى نقابة الاطباء واللجنة الاعلامية بالجامعة هى اللى عملتك بلاش تعض الايد اللى عملتك احترم من يخالفك لولا الاخوان كان زمانك لسه محامى بتبدا حياتك انا بستغرب لما الاقى واحد زيك عنده ازدواجية

    ReplyDelete
  17. انا ما جيتش من زمان اوى هنا
    بس انا متضايقة اوى من اسلوب الكلام
    هناك حاجة واحدة انا عارفها كويس ، وهو ان محدش ليه حق ادعاء انه عارف النوايا والخبايا الجوهرية بتاعت صاحب المدونة ، وبالتالى بما ان انا واحد قرأ الهبل اللى كتبه بعضكم ، باطالب كل اللى شايف نفسه- من المعلقين - انه قاضى فى محكمة النوايا يتفضل بره مطرودا ، عشان هو مش شايف حاجة اصلا لما يبقى يحكم عليها.حاجة تانية ، مين أله الجماعة ونصب حسن البنا نبيها ، غير ناس مش فاهمة اساسا الراجل ده وبتاكل على حسه عيش ، ومفيش مانع تاكل اخوانها برضه وتكيد ليهم وفيهم وكله باسم الراجل الشهيد.بجد خسارة فيكم انكوا تعرفوه، وخسارة انكم مش بتتعلموا منه حاجة فى إدارة الاختلاف ( افتحوا كتاب الاخوان من الداخل ج1 ص 191 )

    ReplyDelete
  18. Ya basha mafesh 7ad beshtem wala 7aga
    mafesh7ad kharag 3an adab el2ekhtelaf
    kol elta3lekat bets2al takreban nafs el2s2ela
    1 ma hoa almaksood bel2oghnea ??
    2 leh t7ot wa7da betr2os 3ala modwna esmha ana ikhwan?!
    3 Ghayar esm elmodawana we a7na nesebak te3mel ely nefsak feh
    4 hoa dah el fekr elgede ...!!
    Ana fe3lan begad Mesh fahem elkalam dah mez3alak fy eah ?
    we 7azaft elta3lekat ely fatet leh?!

    Hwa fy ta3lekat fe3lan kanet mesh wala bod
    bas belkter 2 ao 3 ta3lekat
    zay wa7ed be2ol fema ma3nah enak gardal ?!!
    3alaashan betkob 7agat bedon ma tefakar feha we bedon ma tehsebha
    da a3taked eno zawedha
    bas samehny ya akhy
    enta ely khaleto y2ool keda
    3alashan mesh 3ayez tegaweb 3ala el2s2ela

    ReplyDelete
  19. عبد المنعم انا برده اعرفك من ساعة ما كنت في الجامعة في اسكندرية، لما كنت ماسك اللجنة الإعلامية ( جامعة اون لاين ) وقبل كده كمان من أيام الفنية ، كنت مثال نموذجي جدا للمسئول الديكتاتور كنت شخص ما يقبلش غير رأيه وبس ،كنت دايما بشوف فيك غرور وكبر غير طبيعي، لكنك كان مرضي عنك علشان ديكتاتور آه بس بينفذ التعليمات ويتقاله يمين يبقى يمين شمال شمال، ودي حاجة وسخة في الإخوان إنهم مستعدين لقبولك تماما مادام بتنفذ التعليمات بمنتهى الطاعة العمياء، وطبعا لأنك كان مرضي عنك اتحطيت في الإعلامية بتاعة النقابات وخدت سكتك للشهرة رغم إن إمكانياتك متواضعة جدا جدا ،ودلوقتي جاي تتكلم لي على الحرية وعلى البتنجان في الإخوان ، والله اللي اختشوا ماتوا

    أنا عايز افكرك بالأخ اللي انت جبته ومسحت بكرامته الأرض وبهدلته عارف ليه ؟؟ علشان علق لوحة لصناع الحياة في كليته من غير ما يستأذن يا ترى فاكره ؟؟!!!

    يلا خلي الإخوان يشربوا اللي صنعوه لما يشوفوا ناس قدامهم مرضى نفسيين بس عاملين نفسهم مخلصين للفكرة اوي ومستعدين ينفذوا أي حاجة غبية تتقالهم بمنتهى الطاعة العمياء فيدوهم مساحة للشهرة والصعود ، وفي الآخر اديهم أهو أنقلبوا عليهم ، وبقى الإخوان عاملين زي اللي حضر العفريت ومش عارف يصرفه

    يلا مبروك عليكم بعض مبروك على الإخوان عبد المنعم اللي عمال يبهدلهم على صفحات المدونة ، ومبروك الإخوان على عبد المنعم اللي عمالين يبهدلوه في التعليقات ، جتكم القرف كلكم

    ReplyDelete
  20. كتبت بوست في شئ من الرمزية ولما الناس بتسألك مش عاجبك

    ممكن تكون الطريقة وحشة بس هو في الآخر سؤال

    بس انا عاوز أقول لحضرتك انت الى عملت كده

    انتا الي عملت تصرفات خلت الناس تقدرك وتحترمك
    وانتا الى عملت تصرفات خلتك تسقط في نظر الناس مش عشان بتهاجم الاخوان لأن الاخوان طول عمرهم بيتهاجموا

    لكن انتا ظهرت بصورة الحاقد الى فكره مشوش على الرغم انك ممكن متكنش كده
    وهجومك مش هيقدم ولا هيأخر لأن في قبلك كتير وهيجي بعدك كتير وهتبقى واحد من ضمن
    بس ممكن تكون واحد صاحب فكر وهدف وتسيب علامة أو ممكن تكون واحد مقدمش جديد وبعد شوية الناس تنساه أو متحبش تفتكره
    وياما ناس دخلت الاخوان وياما ناس خرجت من الاخوان
    الاخوان مبتقفش على واحد

    في النهاية عاوز أقولك انتا لازم تتحمل نتيجة أفعالك سواء كنت صائب أو مخطئ ومتتوقعش ان كل الناس ممكن تفهم الى انتا عاوز توصله
    عامل الناس على قدر عقولهم
    كون ديمقراطي وشجاع عشان تكون قدوة
    أعانك الله

    ReplyDelete
  21. "قل موتوا بغيظكم"، لهذه الدرجة تحترم زوار مدونتك؟ اتق الله يا منعم ولا تأخذك العزة بالإثم، قل خيرا تغنم واسكت عن شر تسلم.
    أخوك عبد الرحمن

    ReplyDelete
  22. والله انتو عالم عسل كلكم المشكله دى كلها على صفاء ابو السعود فى اغنية اطفال هى الجماعة عندكوا ضعيفة قوى لدرجة ان واحد اخوان -اوكتب على مدونته انا اخوان - حط مادة اعلامية غير متوافقة مع مبادئ الجماعة تخلى شكل الجماعة وحش
    ياعم لو الراجل ده مهم ومؤثر للدرجة دى خلوا الجماعة هى اللى تتبرأ منه
    بس عموما دى مش مشكلة الاخوان لوحدهم دى بقت مشكله فى اغلب المسلمين حاسين انهم ضعفا
    احب ابدى اعجابى بالاخ اللى نصح عبد المنعم انه يشيل كلمة انا اخوان لأنه هيشيل تعليقات كتير بعد كده -بيعذبه- لأ فالح

    ReplyDelete
  23. السلام عليكم يا أخي
    كنت عايز استوضح منك حقيقة الخلاف أو قل الإختلاف بينك و بين فئة من الإخوان و هل هذا الخلاف جوهري بحيث يعمل علي تقويض مسيرة العمل الجماعي في الإخوان أو أنه يشتت جهودهم و يظهرهم بمظر المتنازعين مثلا كما تكتب الصحف و تظهرهم كأقطاب مرة صقور وحمائم و مرة كإصلاحيين و ما يسمونه محافظين
    ما حقيقة ذلك كله وما يجري خلف الكواليس أرجوك راسلني علي الفيس بوك فأنا مضاف عندك تحت أسم mohmmed Vet

    ReplyDelete

abdoumonem@gmail.com