Saturday, September 1, 2007

أحمد موسي يحرض علي اعتقالي بجريدة الأهرام

أكمل صحفي وزارة الداخلية أحمد موسي حملته المسمومة والكاذبة علي جماعة الإخوان المسلمين في عدد السبت بجريدة الأهرام موسي الذي زعم أنه بين يديه وثيقة تدين الجماعة وبخط يد الشاطر قدم أوراقا قديمة من قضية سلسبيل لعام 1992
العجيب أني وجدت موسي يكتب عن خطة الجماعة للاستيلاء علي الجرائد ووجدت في ادعائته أنه كتب أني مكلف من قبل مكتب الإرشاد وأخر لم يذكر أسمه أن نكون حلقة الوصل بين مكتب الإرشاد وجريدة خاصة وهي الدستور بالطبع , موسي الذي لم يجرؤ علي كتابة اسمي واكتفي بأن يعطيني أشارة انه لديه كافة المعلومات الأمنية عني حيث قال عني أني نقلت خصيصا من الإسكندرية وأقمت بشقة في الهرم ثم انتقلت بشقة مؤخرا بمدينة نصر وقال أن مهمتي الوحيدة هي الجماعة والصحيفة
موسي الذي استقي معلوماته من مباحث أمن الدولة وهي المعلومات التي واجهني بها أحد كبار الضباط بأمن الدولة منذ شهر عقب خروجي من السجن مباشرة وقال لي ما معناه أنه يجب علي أن أخفف من نشاطي وعندما قلت له أن هذه هي حرفتي فأنا صحفي وأقوم برصد الأخبار والأحداث فقال لي خلي بالك أنت ساكن دلؤتي في مدينة نصر وبقيت تحت ايدي وفي ذلك إشارة صريحة بالتهديد بعودتي للسجن أو الإيذاء إن لم أتوقف عن متابعة انتهاكات الداخلية وهو حوار شبيه دار بيني وبين ضباط أمن الدولة بالإسكندرية عقب خروجي من السجن في شهر يونيو الماضي
العلاقة بين الضابط الكبير وأحمد موسي ليست بعيدة لأني سأكشف في هذه المرة عن الأسماء وبشكل واضح
فالضابط الكبير الذي هددني هو المقدم عاطف الحسيني الضابط بمباحث أمن الدولة وشاهد الإثبات في القضية العسكرية المحال لها 40 من قيادات الإخوان المسلمين والذي اعتقلني بنفسه في عام 2003 وت عرضت للتعذيب تحت إشرافه في العام نفسه لمدة 13 يوم بمقر جهاز أمن الدولة بمدينة نصر وهو نفسه الذي أمر باعتقالي في 3 مارس 2006 عندما داهم اجتماع لعدد من الإخوان في ضاحية المعادي وأورد اسمي أمام المعتقلين أنه سيعتقلني وهذا ما دفعني لتسليم نفسي لنيابة أمن الدولة وهو نفسه الضابط التي اتهمته بأنه يلفق لي القضايا تلو الأخرى في نيابة شبرا في القضية الأخيرة التي اعتقلت فيها في أبريل 2007
وهو نفسه الذي رصدته في تقارير صحفية في جريدة الدستور التي لم يمر علي عملي بها سوي شهرين أثنين كمحرر لصفحة المدونات بالعدد الأسبوعي بالجريدة ومحررا في قسم الأخبار في العدد اليومي منذ ما يقل عن أسبوعين فقط
ورغم المدة القصيرة للغاية والمساحة الصغيرة للنشر الخاصة بي يتهمني بل ويحرض علي الصحفي أحمد موسي بأني حلقة الوصل بين الجماعة والجريدة
والخبر به جملة فريدة حيث يقول أني مهمتي تلخصت في الجماعة والجريدة وهي معلومة أمنية محضة لأني بعيد حاليا عن العمل التنظيمي بالجماعة ومن المستحيل أن يتهمني جهاز أمن الدولة حاليا أني عضو في التنظيم الإخواني
فتم إيجاد مخرج أمني تحريضي بأن هذا يعد نشاط تنظيمي لي حتي يتم تلفيق قضية جديدة لي قد تكون خلال الأسابيع القادمة
ولعل أكثر ما أثار صحفي أمن الدولة بجريدة الأهرام
التقرير الصحفي الذي قمت به لجريدة الدستور عن التقرير المالي الذي يزعم أن الشاطر ورفاقه قاموا بغسيل الأموال والذي أثبت فيه وبشكل مهني وقانوني أن التقرير باطل لكونه صادر عن جهة غير منوط بها عمله وهي لجنة الكسب غير المشروع بوزارة العدل وقلت أن قانون غسل الأموال رقم 80 لسنة 2002 ينص علي أن وحدة غسل الأموال بالبنك المركزي هي التي تتلقي الإخطارات من المؤسسات المالية بشأن الاشتباه في وجد جريمة غسيل الأموال فإذا أسفر التحري والفحص عن وجود دلائل علي الجريمة تقوم الوحدة بإبلاغ النيابة العامة
لم يكن ذلك فحسب سبب التحريض وإنما ما استطعت نشره من
فيديو يوضح أثار التعذيب الذي تعرض لها الطفل محمد ممدوح الذي قتله رجال الشرطة في قرية شها بالمنصورة محافظة الدقهلية والذي أعطاني أياه أحد المحامين الذي يعملون بمركز حقوقي شهير
حيث زعم المحرض أننا نروج لقضية التعذيب مستخدمين الكاميرات الديجتل والهواتف المحمولة وكأن قتلي التعذيب الذين نتحدث عنهم من كوكب أو بلد أخر غير مصر وكأن من قتل ناصر العمرانية وناصر المنصورة ومحمد طفل المنصورة وكوي طفل سيوه بالنار وعذبني في عام 2003 كائنات أخري من غير هذا البلد
أحمد موسي قدم التكأة السهلة لاعتقالي أني لست عضوا بنقابة الصحفيين لتسهيل إجراء المهمة واعتقالي حيث لن أجد مؤسسة تحميني من التعسف في استعمال السلطة
أحمد موسي بهذا التقرير يدعوا لاعتقالي ليخمد قلم يكتب عن الأحداث الذي تجري بمصر وانتقد فيه بطش النظام كما انتقد تحركات جماعة الإخوان ورديكالية بعض أعضائها
فهل سأدخل سجون مبارك من جديد أكتب هذه الرسالة وأنا في انتظار زوار الفجر بعد حملة التحريض التي بثها موسي حيث عرف أن جهاز أمن الدولة يسوق له معلومات عن الأشخاص الذين سوف يتم اعتقالهم ليقوم الصحفي بجريدة الأهرام بتشويه صورتهم و إلصاق الأكاذيب بهم

متضامنين ضد التهديد بالاعتقال

32 comments:

  1. تجتاج الشرطة فى عملها الى الاستعانة ببعض الهامشيين مثل الشحاتين وماسحى زجاج السيارات بل احياناتستعين بالمشبوهين كالقوادين وباعة المخدرارات والشراميط (لامؤاخذة) وهذايفسر ظاهرة كل من احمد موسى(اهرام) ومحمد كمال (بتاع روزا)والجدع دة بتاع الهلال اللى اسمة الجلااد...وبائع الكشرىالفتوة جهاد عودة الذى يستعين بهم النظام لتحسين صورتة فأذا بهم يفضحون عورتة بغباؤهم دون ان يدروا.

    ReplyDelete
  2. خلاص ياأستاذ منعم ، ماتقلقش هما بس يعتقلوك وان شاء الله ان شاء الله هنعملك حملة قااااااااااااااد كدا
    :D
    بس سمي واتوكل علي الله ...روح سلم نفسك بس واعترف ....وسيب الباقي علي الله ثم علينا

    ReplyDelete
  3. تقباوى قديمSeptember 2, 2007 at 3:40 AM

    اسمه عبدالله كمال بتاع روزا موش محمد كمال ....اصل محمد كمال ده كلب تانى خالص قاعد فى امانة السياسات مع جيمى...متخلطشى الاوراق

    و بعدين يا منعم الراجل مسيطك فى الاهرام ...زعلان ليه ...دا بدل ما تشكره و تروح تاخد الاهرام و تبروزه و تديه لابوك يعلقه على الحيطة يعنى لاانتا ولا الجورنال اللى يتعلق ...متهيألى الحورنال احسن و انا كده كده ممسوك...متتعبش قلبنا معاك بقى ...و اهو الحوار كلت عيش على قفاك فى الحبسة اللى فاتت ...خلى الدستور تلقط رزقها بقى فى الحبسة دى و اهو كله بثوابه يا معلم...

    واحد من ابناء الثقب و رفيق كفاح

    ReplyDelete
  4. هو نفس الثقباوى القديمSeptember 2, 2007 at 3:42 AM

    و انتا اللى كده كده ممسوك موش انا يا منعم موش عايزين نخلط الاوراق برضه

    دى غلطة مطبعية يا احمد يا موسى متشبطشى فيها و تعمل حوارات

    ReplyDelete
  5. يا ترى هايعتقلوا منعم مين فيهم ؟!!
    دة إحنا بقينا كلنا منعم خلاص


    ربنا يفك سجنك يا مصر

    ReplyDelete
  6. كله بالقانون....

    يا منعم.. كله ايام وربك يفرجها
    سيبك انت من احمد موسى والاهرام
    كلهم نعال لا أكثر ولا أقل
    حتى الباشا الكبير نعل كبير


    المهم
    خليها على الله
    ويمكرون ويمكر الله والله خير الماكرين

    انا مش بحب الاخوان ولا منتظر منهم خير لكن متعاطف معاهم ضد الظلم

    وباذن الله ربك يمكر على عاطف ونشوفه فى زنازين مدينة نصر... زى صلاح نصر وصفوت الروبى

    مش بعيد على ربنا

    ReplyDelete
  7. هل يعود عبدالمنعم محمود لسجون مبارك من جديد
    ولكن من أحق بالسجن عبدالمنعم محمود الصحفي أم مموح اسماعيل قاتل المصريين أم الذين لوثوا دماء المصريين أم الذين أصابوهم بالسرطان أم الذين يقتلونهم من التعذيب في أقسام الشرطة أم الذين يجعلون الناس تنتحر لانهم لا يجدون لقمة العيش التي يطعمون بها ابنائهم
    يا ناس من أحق بالسجن
    اكيد عبدالمنعم محمود

    ReplyDelete
  8. شلة الصحفيين المهييسين
    كمال وموسى وجبر وسرايا

    يكتبوا زى ماهما عايزين
    والمكتوب ع الجبين لازم تشوفه العين

    ReplyDelete
  9. اكتر حاجة مضايقاني في موضوع التحريض ضدك وضد الجريدة اللي بيقوم بيه الاستاذ احمد سبع الليل ضدك يا منعم هو ان البني ادم ده مش عارف ان بكرة اخرة وهيتحاسب حساب عسير علي اللي بيعملة ده .. وبكرة مش كلمة مطاطة ولا حاجة لان معلوماتي بتقول - ولما اقابلك هقولك علي تفاصيل اكتر - ان الاستاذ سبع الليل مصاب بفيروس سي وده مرض لحد دلوقتي مالوش علاج .. ربنا يشفي كل مريض .. ومع ذلك يا منعم اخونا سبع الليل مش عامل حساب وقفته قدام ربنا

    ------
    محمد المعتصم

    ReplyDelete
  10. ياه فعلا مصر قاسية جدا علي ولادها
    ذنبه ايه ابن الناس ده يترمي في السجن كل شويه
    وياتري ابوك يا منعم حيقدر يستحمل الخبر ده
    حسبنا الله ونعم الوكيل

    ReplyDelete
  11. يا حبيبي يا منعم ولا يهمك
    دول شوية منافقين وأحمد موسي ده بالذات لا صحفي ولا يعرف عن الصخافة شئ هو مجرد واحد بينشر تقارير امن الدولة اللي بتجحيله

    وبعدين شوفت ازاي هما بيخافو اوي ان اي واحد شريف بيقول كلمة حق يوصل لأي وسيلةمن وسائل الإعلام ويكون له راي بيقراه الناس

    وهما بيجهضو اي محاولة لكده والدليل ان هما قفلو افاق عربية وجريدة النهوض واي واحد من الإخوان او بيحب الإخوان بيكون له مكان جوه اي جريدة بيبقو زي الكلاب المسعورة

    ربنا يكرمك ويقويك علي الكلاب دي

    اخوك صاحب مدونة انا حر

    ReplyDelete
  12. كلنا منعم وكلنا إخوان وملعون أبو كل كلب أو عميل لأمن الدولة
    منهم لله
    حسبى الله ونعم الوكيل فيهم وفى أعوانهم
    هو لسه فيه مكان فى سجون مبارك
    هما عاوزين مننا إية
    مش كفاية الناس اللى غرقت ولا الناس اللى ولعت ولا الناس اللى مش لاقية تاكل
    كمان عاوزين الناس اللى بتفكر والناس اللى بتقول لا إله إلا الله محمد رسول الله
    ربنا يفك سجنك يا مصر

    ReplyDelete
  13. ربنا يحفظك إن شاء الله

    ومتنولش أروى اللى فى بالها :-D

    ReplyDelete
  14. غدا الاثنين 3 سبتمر
    استئناف قرار الحبس بالتجديد 15 يوم لمجموعة الدكتور عصام العريان ومن معه

    فى محكمة شمال القاهرة بالعباسية

    الساعة 10 صباحا

    ارجو ممن يريد التضامن معنا ان ياتى

    ReplyDelete
  15. ربنا يسترها عليك

    ويحفظك .. حقيقة أنت لدينا كبير
    ولا نحب أن نراك فيما كنت فيه

    ربنا يحفظك ويرعاك

    بلاش تهور وتسمع كلام أروى
    :):)

    ReplyDelete
  16. الشجر المثمر هو الذى يلفي عليه الأطفال والسفهاء الحجر

    اللى انا مستغربله ازاى جموع الصحفيين المثقفين المتنوربن ينتخبوا مثل عذا الحثاله المخبر فى مجلس النقابه

    اعانك الله وثبتك

    ReplyDelete
  17. طيب ما تشوف اي نيابة يكون وكيلها محترم و تتقدم له بشكوى ضد أحمد موسى و عاطف الحسيني .. و كده يكون اجراء ايجابي

    ReplyDelete
  18. هذا التصرف غير مستغرب من الصحفيين الامنيين اللى فى الجرايد القومية الحكومية الفاسدة . يا عزيزى لا تكترث لمثل هؤلاء

    ReplyDelete
  19. استاذ منعم
    السلام عايكم ورحمة الله
    انا لسة عامل مدونة جديدة وعايز حضرتك تشرفني عليها
    وجزلكم الله خيرا

    ReplyDelete
  20. مصطفى عزالدينSeptember 3, 2007 at 3:04 PM

    قلبي معك يا أ. عبد المنعم
    ان الله يمهل الظالك حتى اذا اخذه لم يفلته

    ReplyDelete
  21. ايه يا منعم انت بتوقع قلبنا ليه انت راخر
    ان شاء الله خير
    وان شاء الله ما يحصلكش حاجة
    ربنا يستر

    ReplyDelete
  22. السلام عليكم ورحمةالله وبركاته
    لما قريت البوست اللي إنت كاتبه يا منعم قلقت قوي و وقع قلبي و قلت إنت مش لسة كنت مشرف عندهم عايزين إيه تاني ؟!!!
    و دلوقتي غبت بقالك يومين مش بتكتب .. قلقت أكتر و قلت لا يكونوا عملوها فيك و إحنا ما نعرفش .

    ربنا يحفظك يا منعم و يعمي أبصارهم عنك لأنك كبير قوي عندنا .. ده إنت الدينامو بتاعنا ، يا ريت تطمنا عليك في أسرع وقت .

    ReplyDelete
  23. يابنى والله انت قدراتك الصحفية دى جامدة جدا

    وبسمع انك متفتح ودمك خفيف

    سيبك من الأخوان بقى والسياسة
    انت بتلعب على ورقة خسرانة

    اشترى عمرك احسن

    ReplyDelete
  24. وعيب تنشر كلام كاذب فى مدونتك

    يعنى بتقول روزاليوسف اللى مبيقرهاش حد

    يابنى روز اليوسف دى من اكتر المجلات اللى بتتوزع فى مصر وبتحقق رقم مبيعات

    ومؤكد ان انت نفسك بتقراها

    تنكر ؟

    ReplyDelete
  25. لأ يا منعم
    الصورة وحشة
    أحنا مش همه
    أحنا مش خايفيين لأننا متأكدون أننا في سبيل الله
    و لكنك يا أخي أفزعتني حين وضعت هذه الصورة و قلت (أحنا
    و أنا لا أريدك أن تضع كل المعارضين في كفة واحدة فنحن نحترمهم و لنا نفس الهدف القريب
    و لكننا لسنا هم

    ReplyDelete
  26. الاخت او الاخ او الجنس التالت

    اللى بيكتب لعبده انه يشترى عمره

    الاعمار بيد الله
    والجبان بيعيش كلب

    واحنا مش بنحب الكلاب

    وبخصوص توزيع روز اليوسف

    الكل يعلم انها لا توزع الا القليل
    ولو رجاله ينشروا اراقمهم


    بلا زفت وقطران فى دماغكم

    يا مخبرين
    يا سفلة



    وليد

    ReplyDelete
  27. ربنا يحميك و ينصرك و ان شاء الله خير
    بس خش علق لحسن التعليقات سخنت و عايزة اللي يفض الخناقة بتاعة إاحنا و هما و دوكهما

    ReplyDelete
  28. معلش يااخ منعم

    بحب اقول اخ دي اوي مش استاذ

    اصلك راجل

    والعالم المخنثة اللي اسمها ورد في البوست ده مش بتتحمل الرجولة والخوف على البلد دي
    ميعرفوش يعني ايه ايمان برب ومبدا وعقيده

    اصلهم اشباه مخنثين كمان
    ربنا يطهر مصر من نجاستهم

    بس بجد
    انت راجل
    ولو لاقدر الله ربنا ابتلاك بالحبس
    هتدخل وانت رافع راسك
    و كلنا هنرجع نقول
    كلنا منعم
    كلنا اخوان

    ReplyDelete
  29. بتاع الأهرام = واحد من المعرصين

    ReplyDelete
  30. waانتم لاتنشرون الامايتوافق مع مصالحكم ارسلت تعليقا يفيد انكم تفترون وتروجو الاشاعات فى شخص احمد موسى ولم تقومو بنشره والسبب انكم تبرهنون على انكم لكم اهداف ومصالح فى هدم البلد واثاره البلابل فقط والقذف والسب فى شرفاء وأوكد لكم اننى لاتربطنى اى علاقه باحمد حاليا كانت من قبل وانقطعت ولكنى وجدته نعم الرجل الصدوق الامين يعرف الله اكثر من الاف امثالكم الذين يخوضون فى سمعه الناس

    ReplyDelete
  31. الجماعة المحظورةتناشد العداء لكل من يخالفها الرآى
    فما بالك من يكشف حقيقتها ويظهرها على الناس بلاش كلام جارح انتم غايتكم السلطة وليس القرآن أوالأسلام
    كما تدعون الشعب عرفكم وعرف انتم عايزين اية السلطةوالحكم حتى لوتحلفتممع ابليس زى ماهو جارى الأن على الساحة

    أتركوالشعب وبلاش كذب وتضليل
    على ابوهاجر

    ReplyDelete
  32. الجماعة المحظورةتناشد العداء لكل من يخالفها الرآى
    فما بالك من يكشف حقيقتها ويظهرها على الناس بلاش كلام جارح انتم غايتكم السلطة وليس القرآن أوالأسلام
    كما تدعون الشعب عرفكم وعرف انتم عايزين اية السلطةوالحكم حتى لوتحلفتممع ابليس زى ماهو جارى الأن على الساحة

    أتركوالشعب وبلاش كذب وتضليل
    على ابوهاجر

    ReplyDelete

abdoumonem@gmail.com