طبعا لازم يتقدم ابراهيم عيسي للمحاكمة وتغلق جريدة الدستور المحرضة المجرمة
ازاي يطلع شائعات عن سيادته ..ازاي اصلا يتكلم عن سيادته ..وابنه ....وستنا وتاج رسنا زوجة سيادته
والحمد لله طبقا لتوجيهات زوجة سيادته أن كل اللي صدروا الشائعة بموت أو مرض سيادته حيتقدموا للمحكمة
والحمد لله النيابة والداخلية نفذت أوامر سيادتها علي الفور وقدمت ابراهيم عيسي للمسائلة القانونية
بس ابراهيم عيسي ده مش تهمته بس إشاعة مرض الرئيس لا ده كمان جرناله كله أكاذيب وتحريض ومساندة للجماعة المحظورة اياها
فعلا مجرم ولازم يتحاكم ويفلوا بأه بؤرة الإزعاج اللي اسمها الدستور
عشان احنا نعرف نقرأ بمزاج عالي كتابات كبار الصحفيين المصريين زي استاذنا الفاضل أحمد موسي في الأهرام والكاتب الكبير عبدالله كمال رئيس تحرير أكبر جريدة توزع في مصر روزليوسف والتي يشرف برئاسة مجلس إدارتها الكاتب الذي يتهافت القراءعلي مقاله اليومي كرم جبر ولنتزوق حلاوة صحافة جريدة الوطني اليوم أيضا
وسكتوا بأه الأصوات والأقلام الفارغة اللي بكتب في جرنال الدستور ده عن الفقراء والناس قال ايه اللي اتعرضوا للتعذيب وماتوا وعن المظاهرات الغريبة دي اللي بكتبوا عنها
سكتوووووووه واقطعوا لسانه وكمان ايديه واكسروا قلمه وقطعوا ورقه وحتي ممكن تسجنوه وتسحلوه ولو بالمرة اقتلوه
خبر اعتقاله اساسا كان صدمه
ReplyDeleteهما اكده ان في حاجة فعلا بتحصل داخل قصر سيادته
بس هنقول ايه
دستور يااسيادنا علي راي جدتي
وربنا يسترها الايام الجاية
حسبي الله ونعم الوكيل
يلا عشان احنا مش بنسمع الكلام
الي يخلينا نقرا لابراهيم عيسي احنا وحشين خايص ومش بنسمع الكلام
نروح بقرا لاونكل احمد موسي الي ماشاء الله ولا بيزو ولابستعبط ولابيحرض ولا اي حاجة
بيحب جدو حسني وتيته سوزي وبس
وربنا يشفي الاغبياء الي ملوا البلد
وياخد كل ظالم
السلام عليكم ورحمةالله وبركاته
ReplyDeleteآه ياني من الهموم اللي بتضحك ، تقريباً مش هتخلص و إحنا اللي هنخلص قريب .
يارب إنت الحكم والعدل
والجملة الأخيرة جامدة قوي يامنعم و دمها خفيف :
" سكتوووووووه واقطعوا لسانه وكمان ايديه واكسروا قلمه وقطعوا ورقه وحتي ممكن تسجنوه وتسحلوه ولو بالمرة اقتلوه "
على فكرة تنفع تكتب شعر أو زجل .
إفتكرت آية في سورة آل عمران بتقول :
ReplyDelete"لايغرنَك تقلب الذين كفروا في البلاد * متاعٌ قليلٌ ثم مأواهم جهنم و بئس المهاد * " آل عمران 196:197
سبحان الله كنت بأحفظ فيها النهارده و كأني أول مرة أقراها .. و أول مرة أفهمها .. و أول مرة أربطها بالواقع اللي بنعيش فيه
ربنا بيقولنا رسالة كبيرة عشان يطمن قلوبنا الحزينة .
يا ربي عليك بهم .
السلام عليكم ورحمة الله
ReplyDeleteاستاذ منعم طبعا لازم يسكتوه مش هو اللي فاضحهم وكاشف فسادهم
السيدة سوزان مبارك هى اللي قالت اننا سنحاسب الذي روج للشائعات وعمل على اثارتها وتماستدعاء الاستاذ ابراهيم لذلك
طبعا السيد جمال مبارك هليقول لازم نحاكم الناس اللي فرحت لما سمعت الاشاعة
ومبروك على سكنك الجديد اللي في مدينة نصر ,/ فاهمني طبعا
ويشرفني زيارتك لمدونتي الجديدة
وجزاكم الله خيرا
السلام عليكم:
ReplyDeleteانا فعلا بجد كنت لسه فى العدد بتاع امبارح في الدستور هم كانوا نتوقعين دهخصوصا في ظل حرية الصحافة اللى احنا فيها سؤال مهم لحضرتك لما يغلقوا الدستور هتكتب فين اخبار المدونين ولا صحيح مش ده المهم وربنا يستر
هو بسلامتة يعني مش بني ادم بيعيا زي كل البني ادمين...وبيموت زي كل مخاليق ربنا...ولا هو اسم النبي حارسة و صاينة...ما بيموتش...هيفضل على قلبنا حتى قيام الساعة..!!!
ReplyDeleteوبعدين لما الخبر اشاعة..ما بيوريناش وشة ليه؟؟؟
والست حرمة خارجة تتكلم بلسانة ليه..ولا مستنيين لما يقلوظوا الطاقية على مقاس المحروس جيمي...حسبنا الله و نعم الوكيل
انا شايفه ان دي اشاعه سخيف و المروج لازم يتحاسب علشان ده كدب و ماينفعش الصحفيين يبقوا مصدر اشاعات
ReplyDeleteهوا كل اللي قاله إن فيه إشاعة بتقول كذا و كذا
ReplyDeleteو نتمني صدور بيان رسمي على لسان الرئيس ينفي الشائعة
يعني ما قالش إنها حقيقة
و لا علشان قال عنده قصور في الدورة الدموية
طب ماهو مرض مش مميت
عجايب والله
مش مهم عيسى .. المهم المبدأ
ReplyDeleteاعتقال المبدأ جريمة
رايح يا منعم بكرة التجمع الخامس؟
ReplyDeleteعايزين نقسم نفسنا
عشان بكرة كمان اسلام نبيه
انا بافضل اني انا ووائل نروح اسلام
والباقي يروحوا لابراهيم عشان يبقى فيه عدد بيسانده
وللا انت شايف ايه؟
ان شاء الله حكون مع ابراهيم عيسي في النيابة
ReplyDeleteهتكون معاه ازاى يعنى
ReplyDeleteمتهم و لا مجرد مساندة بحكم الزمالة
ما بلاش انت يا عم
انت رايح لهم برجليك
لو عرفت آخر خبر ان الظابط المتهم بقتل محمد عبد القادر طلع براءة هتهون عليك بلوة ابراهيم عيسى
و سلملى على حقوق الإنسان
هذا جزاء كل من تجرأ ولاك شرف سيادته بلسانه أو قلمه
ReplyDeleteطيب ما هى كل الدنيا قالت انه مريض و وكالات انباء اجنبيه كمان قالت كده خير يعنى يلا ما هو بقى عادى الموضوع وهو اتحبس قبل كده
ReplyDeleteوسواس قهرى
كلها تلاكيك علشان يقدروا يقفلوا الدستور بأى طريقة
ReplyDeleteوالله تلاقيه مات وفى التلاجة فعلآ وبقى أيس ريس بجد ومستنيين يظبطوا السلطنية علشان المحروس إبن المحروسة
فيلم هندى كلنا عارفينة وحافظين السيناريو بتاعة
ولو دوروا على اللى روج الشائعات هايلاقول البلد كلها لأن كلنا بنحلم باليوم اللى الحلم فيه يبقى حقيقة
وإن شاء الله الحلم هايبقى حقيقة ونسمع كل خير
أنا أعلن تضامنى مع منعم ضد الإعتقالات
ReplyDeleteوضد قصف الأقلام
وضد التعذيب فى السجون المصرية
وضد التوريث
وضد الحاكم المستبد
حقيقى خبر التحقيق معاه كان غير متوقع ابدا
ReplyDeleteيا ريت تطالعنا بأخبار التحقيق معاه النهارده
لولا بعد المسافة والأشغال لكنت مع الرجل فهو بالفعل نعم الشريف والمناضل في أمة عز فيها قول كلمة لا
ReplyDeleteأنا متضامن مع الاستاذ ابراهيم عيسى بقلبي ودعواتي وأعرف أن هذا أضعف الإيمان
لك تحياتي
السلام عليكم
هوا للدرجه دي
ReplyDeleteبقي حال البلد كده
هما بثبتوا الناس على حب الحرية
ReplyDeleteكلنا نعشق الحرية والدستور جريدة يتبادلها العشرات للعدد الواحد ويحتفظ بها كمرجع
احا يا مصريين أهم وأفضل صحفى مصرى لم يتضامن معه حتى الان سوى 250 توقيع حرام عليكو والله احنا نستاهل أكتر من اللى بيجرالنا
ReplyDeleteعادى يا جماعة انهم يحققوا مع واحد زى ابراهيم عيسى
ReplyDeleteزى ما عادى ان قتلة محمد عبد القادر و طفل شها طلعوا براءة
على فكرة هم خلاص بيحاولوا يوصلولنا الحقيقة دى و هى ان البلد دى نظام العدل فيها مقلوب و لازم نرضى بكدة و نحمد ربنا كمان
لازم كل واحد بيروج للاشاعات الحقيرة دي ياخد جزاؤه...صحة الريس برده و حياته مش حاجة هينة...و الدستور تستحق اللي يجرالها ...بس بالمرة كمان ياريت ندور على الحاج صاحب السي ان ان عشان نحاكمه بالمرة لانه اتطاول على صحة الريس هو كمان...لا و ايه قالوا في اخر الخبر ان الريس هو اكتر واحد مسك الحكم في مصر من عهد محمد على باشا في القرن ال91
ReplyDeleteبقى ده كلام برده...مينفعش كده يا جماعة..و انا من موقعي هذا اطالب بمحاكمة الحاج صاحب السي ان ان و البي بي سي و كل حاج صاحب كل قناة او جرنان محترم روج للاشاعة دي عشان يعتبروا بعدين.
ربنا يفك سجنك يا مصر ويغور مبارك لابارك الله فية وفى أمثالة
ReplyDeleteلما الظلم يكثر تهون النفس ويهون معها كل شىء