Wednesday, July 18, 2007

أنا مدمن ممكن تساعدني



نصحني أحد أصدقائي بإجراء تحليل سريع نظرا لسؤ حالاتي فأنا دائما مشغول الذهن , عيناي زائغتان دائما تبحث عنها دوما ليل ونهار لدرجة أن أصحابي وأهلي بقوا يكرهونها جدا لأنها اخديتني منهم وأمي بتدعي عليها في كل صلاة منك لله ضيعتي الواد بعد ما دخلت السجن بسببها , والناس نصحتني أبعد عنها لأنها شوهت سمعتي والكل عمال يقول منعم ماشي مع مدونة
ايه ده دماغكوا راحت فين أن قصدي علي المدونة بتاعتي أصلي مش بأقوم من علي النت طوال الوقت عمال أدون أو أقرا مدونات الناس بالذات بعد ما أصبحت مسئول صفحة المدونات في الدستور
عشان كده صاحبي ده نصحني أحلل أحسن أطلع مدمن
قلت له أحلل ايه ياعم
قالي فيه موقع اسمه
http://www.%20mingle2.com/بيعمل اختبار للناس اللي أصبحت مهوسة بالتدوين وبيعطيك 14 سؤال متسلسلين وفي النهاية يقولك أنت نسبة إدمانك للتدوين أد ايه
بعد ما حللت لقيت نفسي مدمن بنسبة 88 % و أخر سؤال بيقولك بعد ما تعرف نتيجة هذا الاختبار هل ستحاول أن تضع خطة لعلاجك بس أنا مش عارف أعمل ايه ؟ تفتكروا انتو كمان مدمنين

العدد الرابع من صفحة مدونات ومدونين في جريدة الدستور

28 comments:

  1. قرأت صفحتك في الدستور اليوم، موضوعك ظريف، موضوع "المدونات النظيفة" كان من الممكن أن يكون أفضل
    أفضل ما في الصفحة هو موضوع المدونات الإيرانية
    تابع والله الموفق
    :)

    ReplyDelete
  2. حبيبي الف سلامة علييك .... ده انا لسه عامل مدونة ... ارجوك يا عم انصحني قبل ما رجلي تقع في الخية
    ياسر فتحي

    ReplyDelete
  3. اعتقد ان من يقع فى شرك التدوين لا يستطيع الشفاء منه عموما انا هروح احلل لحسن لو طلعت مش مدمنه تبقى مصيبه لانى مبقومش تقريبا من على النت وعنيا وجعتنى من كتر البحث فى المدونات الى بقت كتيييييييييييير قوى
    عموما مشكور اخى على البوست تحياتى

    ReplyDelete
  4. العزيز منعم ، ولا أقول لك العزيز إخوان ،،، الأول إزيك ، الثاني مبرووووك على صفحتك ف الدستوووور ..... ،،، ممممم ، وكيس إنك نزلتها هنا ، عندي تعليق مهم وخطير بالنسبة للمقال الصعنون اللي عن الشعراء (( شوية بختلف معاك ف فكرة المدونات النظيفة !! ) ما علينا هبعت لك التفاصيل ع الميـــل


    تحيااااااااتي

    ReplyDelete
  5. الاخ منعم ممكن تعتبر الكلام الى هاقولهولك ده من اخ فعلا عايز مصلحتك وخايف عليك

    منعم ده شىء طبيعى ان اى انسان ممكن يتعرض للشهرة والسيط والاعلام ولكن اعذرنى انا وجدت انك تبحث عن ذلك منذ بداك فى تصوير ذاتك وانت هربان

    لكن الشهرة والاعلام والكاميرات لا انكر انها فى بعض الاحيان تكون لذيذة وجميله وتقربك اكثر من الناس لكن يجب عليك ان تخاف من الوقوع فى بعض امراض القلوب

    قرب من ربنا اكتر وحاول تخلى اهدافك متنوعه مش الشهرة والاعلام فقط واظن ان كل اهدافك تنصب تحت غايه واحدة وهو الله

    ارجو منك ان تتقبل رسالتى بصدر رحب وان تقف وقفه مع نفسك

    اخوك فى الله وخايف عليك

    ReplyDelete
  6. السلام عليكم ورحمة الله وبركاته
    الأخ الفاضل أستاذ عبد المنعم ، جزاكم الله خيرا على كل ما فعلته من أجل الإصلاح فى مصر وكونك من الإخوان المسلمين

    وكان لى تعليق بسيط ، وهى بصراحة نصيحة لله أرجو أن تقبلها منى ، أعتقد أن واجب الوقت هو الذى يحكم ايامنا فى هذه الدنيا ، أعرف أنك كما قلت تحب النت وتعشق المدونات . ولكن هل وقفت يوما وسألت ذاتك : ماذا يريد الله منك ؟
    أنت وحدك الحكم ، فأنا لا أعرفك ولا أعرف كيف تمضى وقتك ، ولكن بعد قرائتى للمدونة هذه شعرت أنك تجلس على النت كثيرا حتى أنك ( حسب ما قلت ) تقصر مع أهلك .فكيف حالك مع الله ؟

    سامحنى على هذا التدخل فى شئونك ، ، ولكنها مجرد نصيحة لله، أدعو الله لك أن يسدد خطاك وأن تتقدم وتتميز فى الصحافة ، وتصبح أكثر قربا من الله

    أختك فى الله

    ReplyDelete
  7. حلوة "مسئول صفحة المدونات في الدستور"

    مبنعرفش نبطل مصطلحات إخوانية :-)

    على العموم أنا لقيت الصفحة مقفولة مؤقتاً هرجع لها بعدين

    بس أنا أكيد هاطلع مدمن
    وعاوز علاااااااااااج

    ReplyDelete
  8. اثابك الله يااستاذ منعم بس خلي بالك من وقتك الدنيا مش مدونات بس ياصاحبي فيه امور تانية انا لي اخ في الله اجمل مافيه انه مسطرة وقت من كذا لكذا يبقي خلاص مواعيده متظبطة
    يقول رسول الله(صلي الله عليه وسلم):نعمتان مغبون فيهما كثير من الناس الصحة والوقت0
    بمناسبة تعليق الاخ المجهول وده علي فكرة متوعلش منه ده بينصحك في الله(صديقك من صدقق وليس من صدقك)
    فكرني بكلمة كان بيقولها لنا اخ بس اخ فعلا فاهم بجد ودي من اجمل ماسمعت
    (من احب الظهور صار عبدا للظهور ومن احب الخفاء صار عبدا للخفاء ومن احب الله صار عبدا لله ان يشاء يظهره وان يشاء يخفيه)
    والسلام

    ReplyDelete
  9. لي عودة مع الموضوع وردود الأخوة الناصحين

    لاحقا فالوقت متاخر جدا

    ReplyDelete
  10. صحيح .. ما ينفعش اشوف صفحة المدونات دي بتاعت الدستور في تايلاند .. انت عارف اصل الدستور مش بتوصل عندنا

    ReplyDelete
  11. ربنا معاك عشان فعلا والله دى مشكلة

    عموما حاول تحلها بانك ترتب اولوياتك

    وانت ان شاء الله قدها يا منعم

    وادعيلى معاك

    ReplyDelete
  12. ازيك يا استاذ عبد المنعم

    انا ياسر سليم بقه اللى قابلتك فى الهايكستب وفى المؤتمر

    ألف مبروك يا سيدى على العدد الرابع فى الدستور

    و ربنا يعدى ادمانك ده على خير وترجع للتدوين بعد ما تبطل ادمان التدوين

    ReplyDelete
  13. حلوة اوى الصفحة دى، وأحلى حاجة فيها انها خلت الناس اللى مش بتقعد على النت كتير تتعرف على عالم المدونات و تتابع اخباره و اخبارنا..
    www.kosaaa.blogspot.com

    ReplyDelete
  14. حلو اوى موضوع الادمان و ازاى تقيسه ده
    الدنيا فيها حاجات غريبة
    88 % طب خلى بالك من نفسك بقى

    سلام
    احمد سنوسى

    ReplyDelete
  15. ما شاء الله
    ربنا ينفع بيك استاذ عبد المنعم ويستعملك من خلال صفحة المدونات فى الدستور
    واختلف شيئا ما مع اخوانى الذين دعوك لتقليل وقتك على المدونة لانى ارى ان هذا الوقت هو مجال دعوتك الرئيسى حاليا
    ربنا يتقبل منك والى مزيد من التفوق دائما ان شاء الله

    ReplyDelete
  16. اخي منعم
    كثير من المدونات العربية وقفت معك في محنتك ..وهذا شيء جميل من التضامن ..وفقك الله ..للخير لمصر العربية>>> 'طارق المومني , الاردن ..مدونة وسطي

    ReplyDelete
  17. أروي الطويلJuly 20, 2007 at 6:46 AM

    اه الصفحه بتاعت العدد دا كانت حلوة جدا ، وكانت منورة :)) ...مش كدا انا عارفه
    :D
    اه وكان في موضوع علي الشمال كدا حلو اوي .....امال مين اللي كتبه

    ReplyDelete
  18. ربنا معاك ديما بس حاسب على نفسك


    كلامك تقيل على الحكومة
    ويارب تنول الى فى بالك

    وبدعى ربنا ياخد الحكومة الظلمة قولوا اميييين

    ReplyDelete
  19. دا ايه الظرف دا
    الموضوع بدأ يبقى شهوة فعلا

    ReplyDelete
  20. يا عبد المنعم
    انا حد بيحبك اكتر مما تتخيل لكن شوفت عليك موقف ما ينفعش اسكت عليه خالص لاني اعتقد ان انت شخص محترم لا ليك في المحلسة ولا ليك في اي نفاق وده واضح من صورتك ومن كتاباتك وعشان كده انا بكتب لك دلوقتي
    بص يا عبد المنعم يا اخوية مش عيب عليك وانت راجل عمرك ما نافقت حد لما ربنا يكرمك وتمسك صفحة المدونات في جريدة الدستور انك تنافق ابراهيم منصور رئيس التحرير التنفيذي ومراته وتنشر في الصفحة بتاعتك موضوع عن المدونة بتاعة ابنهم وتطلع منها عنوان وحاجات كده

    انا مش عارف انت وقعت الوقعة دي ازاي وهل هو ضغط عليك ولا انت اتنصب عليك في الموضوع والاخت اللي كتبت الموضوع نصبت عليك
    انا اسف اني كنت قاسي عليك في ردي لكن ما ينفعش اشوف حد انا بعتبرة قدوه ليه ولجيل كامل في صورة شخص منافق
    ارجوك يا عبد المنعم وضح الصورة لان وحياة ربنا صورتك اتهزت في

    ReplyDelete
  21. يا عبد المنعم
    انا حد بيحبك اكتر مما تتخيل لكن شوفت عليك موقف ما ينفعش اسكت عليه خالص لاني اعتقد ان انت شخص محترم لا ليك في المحلسة ولا ليك في اي نفاق وده واضح من صورتك ومن كتاباتك وعشان كده انا بكتب لك دلوقتي
    بص يا عبد المنعم يا اخوية مش عيب عليك وانت راجل عمرك ما نافقت حد لما ربنا يكرمك وتمسك صفحة المدونات في جريدة الدستور انك تنافق ابراهيم منصور رئيس التحرير التنفيذي ومراته وتنشر في الصفحة بتاعتك موضوع عن المدونة بتاعة ابنهم وتطلع منها عنوان وحاجات كده

    انا مش عارف انت وقعت الوقعة دي ازاي وهل هو ضغط عليك ولا انت اتنصب عليك في الموضوع والاخت اللي كتبت الموضوع نصبت عليك
    انا اسف اني كنت قاسي عليك في ردي لكن ما ينفعش اشوف حد انا بعتبرة قدوه ليه ولجيل كامل في صورة شخص منافق
    ارجوك يا عبد المنعم وضح الصورة لان وحياة ربنا صورتك اتهزت في

    ReplyDelete
  22. الى المجهول اللى كاتب التعليق اللى قبلى على طول
    اقولك حاجتين
    اولا التمس لاخيك سبعين عذرا قبل ما تبدأ تفسر تفسيراتك التى ربما تخالف الحقيقة

    ثانيا يتضح من كلامك انك اخ فاضل محترم فبالتأكيد تعلم ان النصيحة على الملأ فضيحة

    ويقول الامام الشافعى فى ذلك
    تعمدنى بنصحك فى انفراد وجنبنى النصح فى جماعة
    فان النصح بين الناس نوع من التقريع لا ارضى استامعه فان خالفتنى وعصيتنى فلا تجزع اذا لم تلق طاعة

    ReplyDelete
  23. بارك الله فيك وفى وقتك
    وجزاك الله خيرا

    ReplyDelete
  24. انا بداْت اتابع صفحة المدونات فى الدستور

    ..

    ReplyDelete
  25. ههههههههههه

    ده أحلى إدمان

    جزاك الله خيرا

    ReplyDelete
  26. بس88

    متهيألى النسبة أعلى من كدة شوية

    ReplyDelete
  27. اظن المفروض نروح المصحة
    الحالة مستعصية
    وجهازي شكله هيتاخد مني
    وربنا يسترها
    الصفحة جميلة جدا يامنعم
    ربنا يكرمك ويجزيك خيرا
    ومنتظرين كل اربعاء
    والصحفية اروي
    بلاش تماحيك
    بس هقول ايه المقال بتاعك عسل
    ربنا يوفقك ياغالية يارب

    ونتتظرمنكم كل جديد وقيم

    ReplyDelete
  28. منعم

    ازيك الاول ...وحشتنى

    الصفحة بتاعت الاختبار موش شغالة

    يعنى قولت ابعتولى على الايميل و انا عليا النشر و المشابك و عملتلنا البحر طحينة يا خويا و انتا بتحاول تلم اى مدونات علشان تبتدى الصفحة...ولما ابتديت و ربنا كرمك ولا عبرتنا مع انى بعتلك ايميل بابدعاتى و انتى عارفنى مبدع من ايام طور نفسك و يلا رياضة ولا نسيت الحاجات دى يا عم منعم....

    الدستور موش بتوصل عندى هنا ...اللى بيوصل الاهرام و الاخبار و الجمهورية و روزاليوسف...طيب التلاتة الاوائل جرائد قومية انما روزا اليوسف بالتحديد ليه الله اعلم ...يمكن علشان بيحاولوا يستميلوا السودانين لدخول لجنة السياسات
    ما علينا انتا عارفنى مليش فى السياسة

    ابقى ابعتلى الصفحة بتاعتك بس على الاقل على الايميل اقراها على ما ربنا يكرمكم كده و تعملوا موقع للدستور ولا ابراهيم عيسى خايف على التوزيع...قوله ممكن يعمله بفلوس

    طمنى عليك و شوف اخر بوست انا كاتبه اللى اسمه الاهلى من السودان ينفع ينزل عندك ولا لا ...تح معايا باى حاجة يا عم منعم بلا المعاملة دى...هتجيلى برجليك فى يوم من الايام انتا عارف

    الاهلى من السودان

    ReplyDelete

abdoumonem@gmail.com