وحشني أوي يا صاحبي مش عارف قد ايه أنا مخنوق أوي لاني مفتقدك ..مفتقد حريتك ..والله يا صاحبي خروجي من السجن ملوش طعم لانك لسه مسجون ..مش قادر أوصفلك أن الدنيا ملهاش طعم من غيرك
صاحبي محمد القصاص يا ناس اعتقله نظام مبارك الفاسد في 13 مارس قبل التعديلات الدستورية المزعومة ولسه مسجون حتي هذا الوقت
دخلت السجن وخرجت وصاحبي يا ناس لسه في السجن ..مش حرام يا ناس يحرموا محمد من أبواه اللي عنده 85 سنة وكان هو اللي بيتولي أمره وخصوصا ان بيعمل غسيل كلوي 3 مرات في الاسبوع
مش حرام يا ناس يحرموا من خطيبته اللي ارتبط بيها قبل السجن بشهر واحد بس
مش حرام يا ناس يحرموا صحابه منه
والله يا قصاص طعم حريتي مر من غيرك
صاحبي محمد القصاص يا ناس اعتقله نظام مبارك الفاسد في 13 مارس قبل التعديلات الدستورية المزعومة ولسه مسجون حتي هذا الوقت
دخلت السجن وخرجت وصاحبي يا ناس لسه في السجن ..مش حرام يا ناس يحرموا محمد من أبواه اللي عنده 85 سنة وكان هو اللي بيتولي أمره وخصوصا ان بيعمل غسيل كلوي 3 مرات في الاسبوع
مش حرام يا ناس يحرموا من خطيبته اللي ارتبط بيها قبل السجن بشهر واحد بس
مش حرام يا ناس يحرموا صحابه منه
والله يا قصاص طعم حريتي مر من غيرك
بعد ما كتبت التدوينة دي لقيت ايمان خطيبة القصاص نزلت علي مدونته تدوينة جديدة من السجن بيقول فيها حكيته مع السجن
ربنا يفك كربك يا قصاص
ReplyDeleteويرجعك لينا ولخطيبتك سالم غانم .. قريبا ان شاء الله
اللهم فك اسره ومش انت لوحدك يامنعم اللى نفسك يخرج كلنا بصراحه الواحد بيحس مع الاخ ده انه بيكلم نفسه ربنا يثبته ويجازى كل خير ويفرج الكرب قريبا حاتم ثابت
ReplyDeleteربنا يكرمك يا قصاص و تخرج بالسلامة
ReplyDeleteتضامنوا مع الطلاب المعتقلين في مدونة الحرية للطلاب
http://free4talaba.blogspot.com/
من قلبى دعوة لمحمد القصاص ودعوة اكبر لكل المعتقلين اللى فى منهم ناس قرايبى
ReplyDeleteمبروك يا منعم على الصفحة اللى فى الدستور
ان شاء الله
ReplyDeleteالواحد لا يقطع الدعاء للاخ محمد القصاص
اللهم فك اسره
اللهم عظم اجرهاللهم رده الينا سالما غانما هو وجميع المظلومين
امين
أولا حسبنا الله ونعم الوكيل
ReplyDeleteربنا يرجعوه بألف سلامه يارب
ثانيا
إن شاء الله يكون هو فى الداخل أفضل مننا
فى معنوياته وعن الله إن شاء الله
ربنا يفك اسره واسر كل المسلمين
ReplyDeleteأنا طبعاً مقدر مشاعرك يا منعم وأنك مش زعلان على قصاص علشان مش لاقي حد يوصلك كل يوم ولا حاجة
ReplyDeleteوبغض النظر عن فقدانك لحد يشخط فيك ويشكمك كما كان يفعل القصاص رضي الله عنه؛ ولو تجاوزنا حالة الإحترام الفظيعة اللي القصاص كان بيصارحك بيها كل ما تتكرم علينا برأي من آرائك اللوذعية
رغم كل ما سبق انا مصدق انك مفتقد قصاص بجد وأنا كمان مفتقد قصاص . . كفاية يا عم انه بيتابع معايا مشاكل شغلي في الوقت اللي باروح له فيه الزيارة ووالله ساعات بيسألني في أمور قد أكون نسيتها
ربنا يفك أسرك يا قصاص
أفتقد القصاص رغم اني لا اعرفه
ReplyDeleteولكن افتقد حريته
نضاله
رجولته
التي لا يعرف عنها كل من جار عليه شيئا
والى ابيه
كان الله في عونك وكفى به معينا
والى خطيبته اصبري واحتسبي جمعك الله به زوجا في الدنيا والاخره
والى اصدقائه خاصة"منعم"كيف تفتقده وذكرياته تطاردك ليلا نهارك..اتشعر ببعده وطيفه لا يفارق خيالك.. ومواقفه معك حاضره؟؟
اعاده الله بخير
وانتقم من كل مستبد ظالم