Saturday, June 30, 2007

عاجل : اعتقال 33 طالب من الاسكندرية

اعتقلت قوات أمن الدولة 33 طالبا من مصيف بمنطقة الهانوفيل بالعجمي غرب الاسكندرية في فجر اليوم بعد أن داهمت ثلاث شقق كان الطلاب يستأجرونها لقضاء ثلاثة أيام مصيف الطلاب ينتمون لجماعة الاخوان المسلمين 26 منهم من طلاب بهندسة عين شمس بالقاهرة و سبعة طلاب بجامعة الاسكندرية , وقد قام أحد الطلاب بالاتصال بأصدقائه فور مداهمة الشقة وأخبرهم باعتقالهم , هذا ولم يتم عرضهم علي أي نيابة حتي الان ويرفض جهاز مباحث أمن الدولة الادلاء بمكان احتجازهم أو سبب الاعتقال

26 comments:

  1. طيب افهم بس
    الواحد بقي يعمل ايه
    نقفعد في البيوت بردوا بيعتقلوا
    نروح نصيف بردوا وراهم
    نروح نصلي بردوا ورانا
    حسبي الله ونعم والوكيل
    السؤال الي شغلني حاليا
    هتبقي تهمت ايه؟
    تحريض علي لعب الكرة
    حسبي الله ونعم الوكيل

    ReplyDelete
  2. حسبى الله ونعم الوكيل

    دلوقتى يقولولوا انهم كانوا فى معسكر .. وبيخططوا لمليشيات جديدة
    وكانوا بيتدربوا على شواطىء البحر


    ربنا معاكم يا طلاب مصر

    ReplyDelete
  3. please add me to ur list
    www.hamsawy.blogspot.com

    ReplyDelete
  4. انا لسه عارف دلوقتي من واحد صحبي كان معاهم وسابهم انبارح علشان المفروض هيعمل عملية النهاردة ورحت ازوره في المستشفي فقالي انه عرف انهما اعتقلو وان قدر ربنا شاء ان هو يروح علشان عملية القلب المفتوح والا كان زمانه معاهم دلوقت

    حسبي الله ونعم الوكيل

    ReplyDelete
  5. حسبى الله ونعم الوكيل
    هدفهم تدمير نفسية الشباب دى لأنهم هما الأمل فى التغيير اللى إن شاء الله هايحصل أكيد بعد ما تزول الغمة
    بكرة يخرجوهم لكن بعد ما يدمروهم ويدمروا نفسيتهم ، أكيد منهم أول مرة يتعرض للإعتقال
    ربنا يفك كربهم ويفك سجنهم ويخرجهم منه على خير
    يا رب فك سجن مصر وحررها من الطاغية حسنى مبارك لا بارك الله فيه
    حرام بجد ربنا ينتقم منهم يا رب
    والله هادعيلهم فى صلاتى ربنا يفك كربهم ويفك سجنهم ويفك سجنك يا مصر وتبقى حرة
    كفاية كدة قوى كفاية
    حسبى الله ونعم الوكيل
    دة الإمام العادل ممن سوف يظلهم الله بظلة يوم لا ظل إلا ظلة
    منك لله يا مبارك ربنا ينتقم منك وتكون وقودها
    جهنم التى وقودها الناس والحجارة تكون أنت من وقودها بإذن الله
    إلا من تاب وآمن وعمل عملآ صالحآ
    ربنا هو المنتقم

    ReplyDelete
  6. ده بيحصل كل سنة
    او كل شوية
    وعشان كدة لما كنت في الاخوان كنا بنحلق دقوننا
    ونصلي في الشقق
    ونعمل نفسنا روشين ونلبس تي شيرتات روشة عشان محدش ياخد باله
    وناخد معانا سجاير عشان يبقي شكلنا بندخن
    ونجيب كاسيتات اغاني وسيديهات ونشغلها بصوت عالي ونحطها في البلكونة
    عشان نعمل الجلسة بتاعتنا جوة من غيرما حد يحس

    الخبر ده مش جديد من نوعه يا جماعة

    خبر عادي جدا
    يحدث ربما كل سنة

    واذكر ان في سنة 97 تم اعتقال مجموعة من بين سبع مجموعات كانت متوزعة علي سبع شقق
    وتم الغاء المعسكر كلها لما اتقبض عليها
    عشان الباقيين ميحصلهمش مشاكل ويتاخدوا مع اللي اتاخدوا

    ReplyDelete
  7. ربنا يفك أسرهم

    بس لازم يكون لينا دور في ده

    ReplyDelete
  8. دعهم يصنعون منهم الرجال الذين لا قبل لهم بمواجهتهم

    ReplyDelete
  9. حسبنا الله ونعم الوكيل ان فعلت سمعت الخبر من شوية وما زال مسلسل البلطجة مستمر اللهم اذن بكتابك ان يحكم وبشرعك ان يسود وطهر بلادنا من الخونة هؤلاء الذين عاثوا فى الارض الفساد

    ReplyDelete
  10. ليس أضر على الدعوات من أن يتسرب اليأس إلى أفرادها ، أو يصيبهم الوهن والضعف بسبب محنة أو ابتلاء ، فهذا مرض قاتل حذر الله المسلمين منه بعد غزوة أُحُد فخاطبهم قائلاً [ ولا تَهِنُوا ولا تَحْزَنُوا وأَنتُمُ الأَعْلَوْنَ إن كُنتُم مُّؤْمِنِينَ ] [آل عمران : 139] .

    ReplyDelete
  11. حسبنا الله ونعم الوكيل..
    حتى المصيف؟؟
    ربنا يكون مع اخوانا
    والله الجو حار ومش طلبة غلاسة..
    بس كله فى سبيل الله يهون..
    ربنا يثبتهم ويثيبهم

    ReplyDelete
  12. السلام عليكم ورحمة الله وبركاته

    والله يااخواننا التصعيد ده متوقع لكن ليه دلوقت وايه السبب

    يمكن علشان كانوا بيتنفسوا هوا حر فاعتبروه قريب للاتحاد الحر؟؟

    أو يمكن فيهم واحد ضحك من قلبه في بلد ممنوع فيه الفرح ولا بقاء الا للاحزان

    قدر الله ومشاء فعل ياريت مننساهومش من دعاءنا علشان ربنا يبرد قلوب أهلهم و يعدي الصيف على خير

    ReplyDelete
  13. يااااااااااااااه...ربنا معاهم...سبحان الله..كنا هانروح والله...ياللا مش مكتوبالنا الاعتقالاية دى...ياللا خيرها فى غيرها...طب دول بأه تهمتهم هاتكون ايه بإذن الله؟؟؟ والله مش قادر افكر فى تهمة ولو خيالية حتى

    ReplyDelete
  14. لمتابعة قضية الطلاب المعتقلين الرجاء من هنا
    http://free4talaba.blogspot.com/

    ReplyDelete
  15. الحريه لطلاب الإخوان ...
    إعتقلت قوات الأمن المصريه وفى نفس حملةالمداهمة بالهانوفيل
    مجموعة من طلاب الإخوان المسلمين بجامعة الإسكندرية أثناء قضائهم يومى مصيف بشقة إستأجروها بالعجمى
    والمعتقلون هم أيضاً من كليات القمه وبالتحديد كلية الهندسـه
    والطلاب السبعه المعتقلين هم :-
    1-مصعب على شلبى
    2-أحمد فتحى محمد إبراهيم
    3-ياسر محمد عطية
    4-مصطفى حسين
    5-محمد كامل
    6-عمرو سعيد
    والسابع من كليةالعلوم وهو
    7-كريم سيد أحمد

    ReplyDelete
  16. السلام عليكم و رحمة الله و بركاته
    حسبنا الله و نعم الوكيل
    يا ربي حتى المصيف و الترويح عن النفس !!مش هيسبونا في حالنا ، لكن مش هنسيبهالهم أبداً .. مصر بتاعتنا مش بتاعتهم و هننضفها و هنكنسهم .

    ربنا نعاهم و مع أهلهم و يثبتهم يا رب آمين .

    هند

    ReplyDelete
  17. وبدأت عملية تصفية الحسابات مع الطلاب
    بعد النجاحات التي قدمتها الحركة الطلابية خلال العام الماضي
    لم يكن من الطبيعي أنا يمر الأمر مرور الكرام على النظام
    بس ده مش هيخلينا نقف
    هنكمل لغاية من شوف بلد حرة و وطن حر

    ReplyDelete
  18. ربنا يصبر اهلهم ويصبرهم و يفك أسرهم

    ReplyDelete
  19. لا حول ولا قوة الا بالله
    قلبي معهم..ان كان هناك ما يمكن مساعدتهم به..نرجو الإفادة

    ReplyDelete
  20. فقط نرجه من الاخوة الاحتساب وان شاء الله سوف يكون النصر قريب

    ReplyDelete
  21. حسبنا الله و نعم الوكيل

    يعني الأموال و الغني لأة
    كما المصيف لأة

    و لا تهنوا و لا تحزنزا و انتم الأعلون

    أخواني ثبتكم الله و سدد خطاكم و تقبل منكم

    و يا جبل ما يهزك ريح

    ReplyDelete
  22. يعنى لو انا خارجه اصيف مع مجموعة من صحباتى نعمل حسابنا على فلوس زيادة وملابس تقيلة وبطاطين نومة البورش وحشه برضه
    لكى الله يا مصر

    ReplyDelete
  23. Unfortunately

    You Fell In My Eye monaem..

    Why Would you rather Refer AN Article Written by a young journalist to be yours ???

    Shame On You !!!

    ReplyDelete
  24. هي فعلا مقالة الجزيرة اللي مكتوبة دي يا أخ منعم بتاعة أخ تاني مدون ؟؟؟
    الكلام اللي وصلني كده
    ربنا يستر
    سلام

    ReplyDelete
  25. بسم الله الرحمن الرحيم
    لا يسعنا الا ان نقول حسبى الله ونعم الوكيل
    مع خالص دعاؤنا لهم بالافراج عنهم في القريب العاجل
    تحياتي
    البحر
    زورنا على
    www.ana-elbahr.blogspot.com

    ReplyDelete
  26. ربنا معاكم يااخوان وقلبي معكم اختك في الله صاحبة مدونة http://alhoriyah.blogspot.com

    ReplyDelete

abdoumonem@gmail.com