Friday, June 22, 2007

في حب مصر


قد لاأجد تعبيرا يضم شباب من مختلف الأعمار والاتجاهات والأفكار إلا أنه تجمع في حب مصر , حيث اجتمع عدد كبير من المدونين عقب انتهاء الندوة التي نظمتها لجنة الحريات بنقابة الصحفيين عن حرية الصحافة الالكترونية وسبقتها وقفة احتجاجية عن الانتهاكات التي تتعرض حرية الرأي في مصر , وتحدث في هذه الندوة اخوكم الفقير والمدونين علاء سيف وخديجة مالك و شهيناز عبدالسلام والدكتور شريف درويش استاذ تكنولوجيا الاتصال بكلية العلام وتحدث أيضا عادل الأنصاري مدير وكالة شروق برس والمدونة أية الفقي كما تحدث عمر الشرقاوي المدون الذي اعتقل لمدة ثلاثة أيام ابان انتخابات مجلش الشوري الاخيرة كما

وعقب انتهاء الندوة شارك عدد كبير المدونين في حلقة تعارف بدأوا يعرضون فيها تجاربهم الجديدة وأفكار حول تنظيم أعمال مشتركة تضم الجميع , ونظرا لوجود عدد كبير من الشباب المنتمين للاخوان المسلمين والذين يخوضون تجرية التدوين منذ وقت قريب نصحهم علاء سيف بالانفتاح علي المجتمع وعلي التيارات الأخري حتي يتسطيعوا نشر قضيتهم من المنحي الأنساني الذي تخاول تلك الصفحات الالكترونية التأكيد عليه , القاء كان مبهر ومثير للفرحة فقد رأيت شباب جديد لم أعتد أن أراه من قبل وعقول قابلة للانفتاح علي الجميع وتنحية خلافاتها وافكارها في مقابل حب هذا الوطن

سأحاول أن أكون مبادرا بتنظيم لقاء أخر يجمعنا مرة أخري علي أن نتنقاش عمليا فيما مساحة عمل مشتركة أو سأنتظر أحد المبادرين لتنظيم ذلك اللقاء , وأتمني أن يحضر في الملتقي القادم كل من شارك وكل من لا يستطيع أن يحضر هذه الندوة
فقرة اعلانية
أقوم حاليا بإعداد صفحة متخصصة أسبوعية عن التدوين لأحد الجرائد المصرية وأرجو أن تفيدونني بأفكار وأعمال تصلح لهذه الصفحة التي ستصدر قرييييييييبا جدا , لذلك فأنا في أمس الحاجة للمقترحات والأفكار وأيضا المشاركات
تحديث : أرجو من له اقتراحات أو مشاركات أن يقوم بمراسلتي بها علي البريد الالكتروني أفضل : abdoumonem@gmail.com
تحديث أخر : أرجو من الأخوة الكرام الذين من المفروض أن تنأي أخلاقهم وتربيتهم االإسلامية عن السب أو الغيبة ألا يسمحوا لأنفسهم بغيبة الأشخاص أو الاساءة اليهم فهكذا تعلمنا رسائل الاستاذ البنا
ورجاء أخر ألا نتعامل بهذا العلو غير المبرر عن البشر مهما كنا نختلف معهم فهذا ليس من أخلاق الإسلام ولا من تربية الإخوان

20 comments:

  1. لى الشرف انى اكون اول واحد يرد على موضوعك ده
    بصراحه اخى انا مقدرتش اروح المؤتمر ده بس لى ان شاء الله فرصه تانيه
    شىء تانى
    بالنسبه للصفحه اللى حضرتك حتصممها

    ياريت تقولنا تفاصيل أكتر عنها وعن نوع الأخبار او المواضيع اللى حتتنشر بيها واحنا ان شاء الله اللى عنده فكره اكيد حيبعتهالك

    ReplyDelete
  2. الاستاذ الفاضل : عبد المنعم

    أسعدني مروركم على المدونة

    جزاكم الله خيراً

    بس معذرة البوست اللي حضرتك علقت عليه مهنج ومش عارفة أعلق فيه
    إن شاء الله أشوف له حل

    بالنسبة لموضوع اسمي .. مش مشكلة إن شاء الله

    مش لازم يعني اسمي بالتحديد

    ممكن تكتبوا أي اسم .. أو تخلوها من غير اسم .. مش فارقة

    وياريت لما تنشرها تعطوني خبر

    ReplyDelete
  3. اتشرفت بلقائك يا منعم

    واول واحد شفته وانا داخل النقابة

    وان شاء الله نتقابل تاني


    اخوك مصراوي أوي

    مدون علي قده

    ReplyDelete
  4. ممكن اقرتح اقتراح للصفحة الى حضرتك بتتكلم عنها..
    لو ممكن تعمل فيها ركن لتعليم الشبابا ازاى يعمل مدونة
    وازاى يضيف فيها اضافات تفيد المدونة

    ولو كل مرة يكون فيه مدون يكتب ليه هو بيدون؟؟واستفاد ايه من التدوين؟؟..
    جزاكم الله خيرا

    ReplyDelete
  5. ممممم

    ممكن تخليها صفحه اشبه بال "google reader" تنشر فيها عناوين لاخر التدوينات او اجملها ( على اساس انها صفحه اسبوعيه )

    و لو راودتني افكار اخري هؤلك

    ReplyDelete
  6. اه والله يا منعم

    فعلا محتاجين اجتماع تانى كده .. نتعرف على بعض اكتر
    ونتبادل فيه خبراتنا بصورة اكبر

    ومنتظرينه قريب ان شاء الله

    ReplyDelete
  7. السلام عليكم

    فعلا بشعر باسف شديد اني محضرتش الاجتماع او المؤتمر ده وان شاء الله نتقابل في اقرب فرصه لاني بجد احب اني اتعرف عليكم جميعا

    اعتقد ان فكره صفحه عن المدونين فكره رائده وكان عندي كده كا فكره يا ريت اكون قادر اساهم يعني ولو بجزء صغير

    1- انتقاء افضل التدوينات ونشرها اسبوعيا
    2- البحث عن ما يدور في المدونات ومحاوله تسليط الضوء علي الاهتمام الموجود للمدونين سواء سياسي او اجتماعي او ثقافي
    3- استضافه دوريه للمدونين يعني كل اسبوع تتكلم مع احد المدونين الي متميزين والي ليهم تأثير واضح او حتي المدونين الي بدأوا يثبتوا نفسهم علشان يكون دفعه لباقي المدونين ومنها بردوا ان انت بتعرف الناس في الشارع الناس دي بتفكر ازاي
    4- الاهم من كده كمان انك يا ريت تحاول تاخد انطباعات المجتمع الخارجي عن المدونين وهل بالفعل ليهم تأثير علي ارض الواقع ولا بيكون كلامهم طق حنك زي ما اخواننا اللبنانين بيقولوا
    5- تحاول بقدر الامكان تخلي احد المدونين يساعدك في تنظيم الصفحه ويتنم تغيره او الاستعانه باخر وبكده انت بتضمن دائما تجدد الصفحه علشان هتطلع كل مره بشكل مختلف وافكار جديده ومتميزه

    يعني دول شويه حاجات خطرن علي بالي ولو جه في بالي حاجه تانيه هقولك علي طول وربنا يوفقك

    ReplyDelete
  8. استاذ منعم
    انا الصراحة للاسف مروحتش المؤتمر ده بس اتمني من الله انه يكون عمل يفيد ويكون لبنة في اعادة اصلاح البلد0
    بس عندي شوية حاجات عايز اقولها
    1-مين علاء سيف ده اللي اتكلم في المؤتمر والمفروض انه كان ميتكلمش لانه اقل من انه يتكلم وانت دخلت علي مدونته وشوفتها واكيد بعدها عرفت ايه هو التدوين القذر ده ده مش اختلاف افكار واتجاهات دي اخلاق المفروض انها عند اي شخص ايا كان طبعا الكلام في مدونته يفتقد الي الاخلاق وكان من الاولي انه ميطلعش ويتكلم في المؤتمر0
    2-تاني حاجة حد طلب من الشخصية دي النصيحة او اي حد طلب منه انه ينصح للاخوان انا في رائي انه مينفعش لاينصح للاخوان الا لما يتعلم الف باء اخلاق 0
    وشكرا لسعة صدرك واتمني ان يحصل لقاء تاني بين المدونين لعلي احضره واستفيد منه0
    عز

    ReplyDelete
  9. استاذ منعم
    انا الصراحة للاسف مروحتش المؤتمر ده بس اتمني من الله انه يكون عمل يفيد ويكون لبنة في اعادة اصلاح البلد0
    بس عندي شوية حاجات عايز اقولها
    1-مين علاء سيف ده اللي اتكلم في المؤتمر والمفروض انه كان ميتكلمش لانه اقل من انه يتكلم وانت دخلت علي مدونته وشوفتها واكيد بعدها عرفت ايه هو التدوين القذر ده ده مش اختلاف افكار واتجاهات دي اخلاق المفروض انها عند اي شخص ايا كان طبعا الكلام في مدونته يفتقد الي الاخلاق وكان من الاولي انه ميطلعش ويتكلم في المؤتمر0
    2-تاني حاجة حد طلب من الشخصية دي النصيحة او اي حد طلب منه انه ينصح للاخوان انا في رائي انه مينفعش لاينصح للاخوان الا لما يتعلم الف باء اخلاق 0
    وشكرا لسعة صدرك واتمني ان يحصل لقاء تاني بين المدونين لعلي احضره واستفيد منه0
    عز

    ReplyDelete
  10. تشرفت كثيراً أخي الغالي بالتعرف عليك

    خاصة بما شهده الحوار من مناقشة أفكار موجودة وطرح أفكار جديدة

    ----------

    بالنسبة

    لأفكار الصفحة التي ستنشرها عن التدوين

    1- أقترح أن تبدأ بتعريف الجمهور بماهية التدوين ثم يتطور الموضوع تدريجيا الى مناقشة أهميته كصحافة شعبية سريعة لا يحدها رقيب إلا الضمير

    2- كما يجب ان تتنوع الصفحة لتشمل عرضاً موجزاً لأهم المدونات التي تقدم فكراً من كافة التيارات , مع المرور طبعاً على المدونات التي تقدم فناً خفيفاً او أدباً وشعراً ...

    3- يجب أن تشمل الصفحة على الإشارة إلى أهم المدونات الأجنبية ذات الرأي العام ( كتجربة مرشحة الرئاسة الفرنسية ) طبعاً بعد ترجمة نبذة موجزة عن تلك المدونات الأجنبية ...

    4- يجب الإستعانة بمتخصص اكاديمي يعطي رأيه أسبوعياً في مستوى ما تعرضه من انتاج المدونات ( خاصة التي تحمل مغزى أدبياً )...

    5- يجب دعم المدونات التي يمتلك أصحابها موهبة الكتابة بعرض مقالاتهم أو ابداعاتهم مع وجود حديث متوازى مع أصحاب تلك المدونات ...

    في النهاية أعتقد انك قادر تماماً على تقديم تلك الصفحة في إطار شيق جذاب ...

    أنت تصلح لذلك تماماً

    فخض تلك التجربة ولا تتردد ...

    تحياتي لك عزيزي

    ووفقك الله

    ReplyDelete
  11. كنت اتمنى حضور الندوه خاصة وقد سبق لى حضور ندوات سابق بالنقابه ولكن لم يحالفنى الحظ تلك المره واتمنى ان يوفققك الله وتتمكن من تنظيم او عمل ندوه اخر اما بالنسبه بالنسبه للصفحه التى
    ستقوم بتصميمها فارجو منك التوضيح
    ما نوع المواضيع التى تريد امدادك عنها بالافكار وهل هى عن التدوين ام انها تتناول مواضيع اخرى
    اعتذر عن الاطاله
    تحياتى

    ReplyDelete
  12. السلام عليكم

    حاج عبد المنعم الف حمد لله علي سلامتك وخروجك

    ازي عمي الحاج محمود يارب يكون بخير وتكون صحته تحسنت بخروجك

    المهم المعتقل للرجالة ياريس
    معلش التهنئة جاية متأخر شوية بس الظروف هي اللي حكمت

    المهم

    ليا عتب عليك

    شلة العيال امثال علاء سيف ورفاقه المدافعين عن حرية الكفر او قللات الادب زي وائل عباس وحبايبه يجري تلميعهم بطريقة غبية وكانهم هم قدوات الشباب

    بصراحة حاجة تغيظ

    مين دول

    فكرهم ايه

    اخلاقهم ايه

    اتجاهاتهم ايه

    طبعا مش محتاج اذكر حضرتك ان امثال هؤلاء من المدافعين عن المرتد كريم عامر من اكبر الصادين عن دين الله وبعضهم بيصرح بالحاده
    وبعدين مش محتاجين المفكر الكبيييييييييييير علاء سيف انه ينصح الاسلاميين بجعل قضاياهم اكثر انسانية يروح هو ومراته يتعلم شوية اخلاق احسن لهم

    بس ده كان عتب علي اخويا عبد المنعم ولو دخلت علي البلوج بتاعي هتلاقيني كاتب العتاب ده في الجنب كمان

    عموما الف حمد لله علي سلامتك واتمني انك ماتزعلش مني

    ReplyDelete
  13. السلام عليكم ورحمة الله

    استاذي الفاضل وأخي الحبيب عبد المنعم محمود

    كان نفسي ايقا موجود معاكم في المؤتمر بس للاسف كان عندي ظروف تتعلق بعمل الجماعة
    ان شاء الله يكون لنا لقاء مرة اخري بجد واحشني

    بالنسبة للصفحة أناهاكد علي شوية ثوابت وطبعا الناس اللي سبقوني قالو كتير :

    1- في الأول لازم تعرف الناس يعني ايه تدوين ومين هما المدونين وبندون ليه وازاي نعمل مدونة

    2- تبدأ تعرض بعض المدونات الموجودة علي الساحة المشهور منها والمتميز وتتكلم علي اهم القضايا او المشكلات التي اثارتها المدونة او صاحبها وممكن يبقا في حوار معاه

    3- ممكن مسابقة لاختيار افضل تدوينة في الأسبوع ونشرها في الصفحة

    4- ياريت يبقا في الصفحة مكان لشكاوي المدونين من المضايقات الأمنية وكل ما يستجد في هذا الشأن بحيث تفضح اسليب النظام القذرة

    5- لو في قضية معينة فجرتها احد المدونات ممكن تتنشر علشان تتحول لقضية راي عام زي عماد الكبير وكليبات التعذيب وخلافه

    6- نصائح دورية لمجموعة المدونين الناشئين عن كيفية التدوين و كيفية الكتابة وكيف يختارون الموضوعات

    6- تغطيات لفعاليات المدونين زي المؤتمر اللي بتاع حرية الصحافة الإلكترونية

    ReplyDelete
  14. تحديث : أرجو من له اقتراحات أو مشاركات أن يقوم بمراسلتي بها علي البريد الالكتروني أفضل : abdoumonem@gmail.com
    تحديث أخر : أرجو من الأخوة الكرام الذين من المفروض أن تنأي أخلاقهم وتربيتهم االإسلامية عن السب أو الغيبة ألا يسمحوا لأنفسهم بغيبة الأشخاص أو الاساءة اليهم فهكذا تعلمنا رسائل الاستاذ البنا
    ورجاء أخر ألا نتعامل بهذا العلو غير المبرر عن البشر مهما كنا نختلف معهم فهذا ليس من أخلاق الإسلام ولا من تربية الإخوان

    ReplyDelete
  15. كان نفسى تقول هكذا تعلمنا من رسولنا الكريم او من الاسلام علشان انا معرفش حاجة عن الرسايل دى

    ReplyDelete
  16. علاء وخديجة ومنال وعمر
    وأنا إبن البطة السودا مثلا؟
    ماشي يا عم منعم
    مقبولة منك
    :)

    ReplyDelete
  17. السلام عليكم ازيك يا منعم
    انا اقترح ان احنا ننظم مؤتمر جديد فى الاسكندريه علشان اللى ميقدرش يروح للقاهرة يحضرة معانا فى الاسكندريه

    ReplyDelete
  18. ياسر أبو العلاJune 27, 2007 at 9:21 AM

    السلام عليكم
    ازيك يا عم منعم ، واحشنى والله ، دى أول مرة أدخل أعلق عندك وده طبعا نتيجة قصور فى المدونة "ههههههههه" بس معلهش بقى أنا اتأخرت فعلا .
    عموما دى رسالة على السريع بس ، وانتظر مشاركات من النوع التقيل الذى ربما لا تتحمله المدونة "هههههههههه"
    عموما يا عمى.. الاستاذ عادل الأنصارى " مدير تحرير وكالة شروق برس ومدير تحرير جريدتى آفاق عربية الأسبق له مدونة أرجو أن تربطها باسمه فى الخبر الذى نعلق عليه الآن .
    لك تحياتى وتقديرى .

    ReplyDelete
  19. ايمى سياسهJune 27, 2007 at 10:05 AM

    نفسى اكلمك وافهم منك حجات كتير مش فهماهه فى البلد وعايزة اعرف فاضل ايه فى مصر تتباع مفضلش غير اسمها والعلم

    ReplyDelete
  20. ارجوك يا استاذ عبد المنعم تحاول تخلى المؤتمرات دى بدرى شوية عشان الناس اللى بتيجى من اسكندرية زى حالاتى او اللى بييجوا من اى محافظات تانية
    يعنى ماله المؤتمر لو بدأ الساعة 5 فنقدر نمشى المغرب مثلا
    ارجو ان حضرتك تسعى فى الموضوع ده

    ReplyDelete

abdoumonem@gmail.com