Sunday, June 3, 2007

أنا إخوان ...أنا حر


قد لا أستطيع أنا أكتب أي شئ قبل أن أقول لكل من تضامن معي شكرا ....وقد لا تكفي كلمات الشكر لكي تعبر عما أشعر به وأنا اتابع الحملات التي تم تدشينها من أجل الافراج عني , والأصعب اني مصاب بحالة ذهول من المقايلات والاتصالات المهنئة لي بخروجي

كل هؤلاء..أي مشاعر انسانية تلك ..حقيقة أعجز تماما عن وصف الحالة التي أعيشها منذ خروجي في فجر السبت الماضي

وأعتذر عن تأخري عن الكتابة فور خروجي وذلك حتي أقرأ كل التعليقات ..( أيوه قرأت كل التعليقات ) وهي أيضا ضخمت حالة الذهول التي أعيشها

أنا مدين لكل شخص تضامن معي وكتب مطالبا بالافراج عني ..أشعر بثقل هذه الدين

كيف أرد الجميل لنورا يونس وعلاء عبدالفتاح وأحمد عبدالحافظ وحسام الحملاوي وخالد حمزة ومارك لينش وايمان عبدالمنعم ونادية أبو المجد وسامي غربية ومحمد غزلان واسلام لطفي

كيف أرد الجميل لأناس لو ظللت أكتب فقط أسمائهم لما انتهت هذه التدوينة

أشكر من مدوني الاخوان أم الاصدقاء اليساريين أم المنظمات المتضامنة او الشباب المصري الذي قابلتهم في الجامعة وكم كانت تعبيراتهم تلقائية

اني أشعر بحالة جديدة من حالة جديدة من حالات الالتقاء الانساني لم أشهدها في حياتي من قبل

أشعر بصدق ونبل هؤلاء الذين لا يعرفوني ولا أعرفهم ولكنهم قدموا لي الكثير

انها حالة انسانية لابد أن تسجلها سجلات الحب والعواطف والود

كم كانت كلماتكم مؤثرة في نفس ..كم كانت اتصالتكم تجعلني أبكي ..كم أسعدنس هذا الحب منكم

كم كانت مكلمة أنس وعائشة مالك وسعد وحسن خيرت الشاطر مؤثرة في

والله لقد اشتقت للجميع ..كم كنت افتقدكم جميعا

كنت أنوي أكتب أولي تدويناتي عن التجربة الاخيرة وكم هي كلئية بالاحداث رغم قصر مدتها عن سابقتيها

ولكن لا أستطيع أن أكتب كلمات الشكر لكم ولا أفكر إلا في الكلمات التي تفيكم حقكم

أعلن لكم أني أصبحت أسير هذه المودة وهذا الحب الذي جاء بعيدا عن الافكار والتيارات والاعمار والدينات والمقامات

لقد ذوبتم كل هذه التعقيدات في هذا التواصل الانسانس اللا محدود الذي شعرت به

بعد شكر الله عز وجل علي هذا الفضل الكريم فضل الحرية وفضل هذا الحب الجميل منكم أتوجه اليكم جميعا بالشكر والعرفان بالجميل

إقول لكم الحرية فعلا غالية ...لكنها تستحق المزيد من التضحية لكي يحصل عليها كل المقهورين في هذا البلد وليس عبدالمنعم محمود وحده

فلابد من أن نبذل مزيد الجهد والتضحية حتي يحصل الشاطر واخوانه ونور وكريم علي حريتهم

فلابد أم نقدم كل ما في وسعنا لكي يحصل هذا الشعب علي حريته وكرامته

فمصر تحتاج الحرية

125 comments:

  1. انتظرناك جميعا يا منعم .. وكنا ندرك أن للحرية يوم اّت لا محالة ..وأن ظلام السجن يخنق السجـّان لا الحـر مثلك .. اهنئك بالسلامة واهنئ كل مدون مصري وعربي شريف .. من كل الاتجاهات السياسية .. لتلك الصرخة المدوية التي أطلقوها في وجه سجانيك ..وبما اني لست ( اخوان) أقول لك .. نحن أخوة .. نحن أحرار ..وسنبقى أحرار مادام الله هو من وهبنا هذه النعمة لا عبيد الله .. ولا عبيد غير الله ..
    لك كل الحب وأصدق الأمنيات الجميلة
    جـو غانم ـ لبنان

    ReplyDelete
  2. أخونا الحبيب منعم
    أولا تهانينا لخروجك بالسلامة

    ونتمنى من الله أن يمتعك بالصحة والعافية وأن يتم على والدك شفائه

    ونسأل الله أن يتقبل هذه الأيام فى ميزان حسناتك ويجعلها خالصة لوجهه الكريم

    أخوك
    عبدالرحمن

    ReplyDelete
  3. محمد يحيىJune 4, 2007 at 1:20 AM

    حمد الله على سلامتك ، وربنا يتقبل ، وأحب لأن لأذكرك بآية قرأتها كأنها أول مرة في حيلتي تصبرنل أثنا الإعتقال ، قال تعالى ( وأصبر وما صبر إلا بالله ولا تحزن عليهم ولا تك في ضيق مما يمكرون * إن الله مع الذين أتقوا والذين هم محسنون )صدق الله العظيم ، وجعلك الله دائما في معيته ، وبصراحة كان نفسي اتصل بيك اهنيك بس كان عندي مشكلتين :الأولى ان رقم التليفون دوخت علشان اجيبها، والثانية أخشى أن تكون مش فاكرني، حمد الله على سلامتك ويايت لو تبعت لي رقم التليفون على mo_yehia1985@yahoo.com أخوك / محمد يحيى -كلية الآداب

    ReplyDelete
  4. الى حبيبى عبد المنعم محمود
    الى الذى علمنا معنى الصمود
    الى الذى قتل فينا الجمود
    الى الذى احيينا فينا الجهود
    الى الذى حطم لنا القيود
    الى الذى لم يخلف معانا العهود
    الى الذى اصبح الظلم عدوة اللدود
    الى الذى خرج بنا خارج الحدود
    الى عبد المنعم فهد الفهود
    الى عبده اسد الاسود


    اخوك فاروتا المصرى اللى كان عليك مخضوض

    حمد الله على السلامه يا بطل انا ان شاء الله نازلك نازلك ابو سلمان
    بس يا ريت الاقيك استنانى
    ياريت تفتح تليفونك بقى
    016
    او تبعت رقمك farota@hotmail.com

    اخوك احمد فاروق
    فاروتا المصرى
    ادكو بحيرة
    الحريه لعبد الجوااااااااد

    ReplyDelete
  5. الحمد لله على سلامتك يا بطل
    و كفارة و متنساش ان السجن فى الايام دى للجدعان و ربنا يجعل ده فى ميزان حسناتك و يارب كده دايما مع الحق ضد الظلم
    يالا مش هطول عليك
    و متنسناش فى دعائك
    و الف حمد لله على سلامتك
    اخوك
    منير

    ReplyDelete
  6. الف حمد لله على السلامة نورت بيتك والمنتدى والحمد لله على الخروج
    وربنا يفك اسر جميع المظلومين

    ReplyDelete
  7. الف مبروك الحرية , ومعلش إن كانت متأخرة شوية لكنها من القلب
    فكم أحزننا غيابك وكم أسعدنا خروجك لنا بسلامة الله
    فحمدا لله على سلامتك
    فقد كنت مثلا للشاب المسلم المناضل الذي يعيش من أجل فكرة
    يؤمن بها
    يتحدى الجميع في سبيل نشرها

    ثبتنا الله وإياكم أخي الحبيب

    أخوك
    بيدو
    المنصورة

    ReplyDelete
  8. ياعم منعم الناس كلها بتحبك وفيه حالة تحسد عليها فعلا هى ان اليسارى واليمينى وكل ابناء الوطن كانوا يعتبروك قضيتهم
    الله اكبر ولله الحم

    ReplyDelete
  9. أخي الحبيب منعم
    أولا إني أحبك في الله من دون سابق لقاء و لا معرفة
    ثانيا ندعو لوالدك أن يتم عليه الشفاء
    و في النهاية أريدك أن تعلم تمام العلم و أن توقن تمام اليقين بعد هذه المنحة الربانية أنك علي الحق أنت و إخوانك وهذه المنحة هي الدليل
    متعك الله دائما بالحرية

    ReplyDelete
  10. السلام عليكم ورحمة الله وبركاته
    حمدا لله على سلامتك..
    جعل الله كل لحظة قضيتها بين هذه الجدران اللعينة في ميزان حسناتك.. اللهم آميين
    كانوا يظنون أنهم قيودك بوضعك في هذه الجدران.. لا يعلموا أنك كنت حر وحتى وأنت وراء الجدران.. (اللهم عاقب السفهاء على سفهم في الدنيا والآخرة)
    ونريد الاطمئنان على صحة أبيك إن شاء الله تكون أحسن بعد خروجك

    وندعو الله لك الثبات والتوفيق ومنال الهدف.. اللهم آمييين

    ReplyDelete
  11. إيمـــــــــانJune 4, 2007 at 3:02 AM

    السلام عليكم

    استاذنا...حمدا لله على سلامتك

    والله انا فى اعتقادى ان احنا اللى المفروض نشكر حضرتك لان حضرتك فعلا اثرت فى الكثيير ممن لا تعرفهم حتى بقوتك و جرأتك و ثباتك على الحق

    جزاك الله خيرا و جعل هذه الفترة العصيبة فى ميزان حسناتك

    ثبتك الله و اعانك...و استخدمك دائما لنصرة دينه

    و ربنا ان شاء الله يتم شفاء الوالد على خير

    ReplyDelete
  12. اخيرا عادت البسمه للمدونه
    مبرووووك يا منعم من القلب

    ReplyDelete
  13. الف مبروك يا عبد المنعم
    كل قلوبنا كانت معك لاننا بتضامنا كنا نتضامن مع الحرية والعدل وضد الظلم والفساد
    كتبتها مرة فى مدونتى(أنا مش أخوان أنا مع عبد المنعم)عشان الحرية لها طعم جميل مش عايزينوا يضيع

    ReplyDelete
  14. حمدا لله علي سلامتك ياستاذنا
    واذا كان هناك حقا من يحتاج للشكر يبقي حضرتك
    وحمدا لله علي سلامتك ونسال المولي ان يمتعك بالصحة والعافية وان يتم شفاء والدك

    واسال المولي ان يعيننا جميعا ان شاء الله علي اكمال هذا الطريق حتي يصبح كل بيت في مصر مملوء بالحرية
    وتصبح مصر كلها حرة

    ReplyDelete
  15. الحمد لله علي سلامتك يا منعم

    ReplyDelete
  16. : اخى الحبيب

    كم اشتقنا لكتاباتك ،ويعلم الله انى احبك فيه من دون سابق لقاء

    حمداً لله على سلامتك واتم بقدرته شفاء والدك

    واعلم ان الامه لو اجتمعت على ان يضروك بشىء فلن يضروك إلا بشيء قد كتبه الله عليك

    حمداً لله على سلامتك مرة اخرى

    وتقبل الله منكم جهادكم ،ولن يتركم اعمالكم.

    ReplyDelete
  17. حمد الله على السلامة :)

    ReplyDelete
  18. الف حمد لله على سلامتك يا منعم كنَّا منتظرين التدوينه دي وحشنا كلامك

    يلاً عايزين تدويناتك عشان آجي اقراها و مقتنعش و أعد أقرفك بأسألتي الرخمه
    هههههههههه

    والله وحشاني كتابتك
    كفَّاره يا عرب و يلا عيزين تدوينات جامده و ياريت تطمنَّا على الوالد

    ReplyDelete
  19. أخي الحبيب
    تهانئي الحارة بالحرية التي كنا ننتظرها لك
    أصبحت العين عليك أكثر من ذي قبل ألف مرة
    اتق الله فيما تكتب و اعلم ان كل ما تقول مأخوذ عليك و على دعوتك و على إخوانك
    بارك الله خطاك و ادخلك الجنة و اماتك شهيداً في سبيله
    قول آمين

    ReplyDelete
  20. شكر على اه
    دى اقل حاجة نقدر نقدمهالك ولكل من فقد حريته

    اقل حاجة اننا نتضامن معكم
    *****
    من لم يهتم بأمر المسلمين فليس منهم

    فأن لم يستطع فبقلبه



    مش عيزين دى كمان نفقدها
    زى مفقدنا حجات كتير

    ReplyDelete
  21. الحمد لله علي سلامتك لقد أضأت الأسكندريه بقدومك ورجوعك إليها نسأل المولي أن تكون هذه المحنة في موازين حسناتك وحمداً لله علي سلامتك ومتنساش تطمنا علي صحة الوالد

    ReplyDelete
  22. منعمتي
    حمد الله عالسلامة
    عقبال مصر كلها لما تبقى حرة

    ReplyDelete
  23. الف حمد الله علي السلامه
    انا للاسف هشيل صورتك من المدونه لانك خرجت بالسلامه
    بس انا كتبت عنك بوست

    ReplyDelete
  24. السلام عليكم
    حمدلله على سلامتك ورجوعك معانا
    بصراحه اللى يحتاج الشكر حضرتك لانك جعلت لنا هدف نريد تحقيقه
    ربنا يكرمك يارب

    ReplyDelete
  25. حمدا لله على السلامة يا منعم

    و لا تستغرب الحب الذى تقابله

    مش كل مصر بتجرى ورا الممثلين و لعيبة الكورة

    لسة فى ناس بتحب الشرفاء

    ReplyDelete
  26. حمدلله على السلامه يا استاذ منعم

    نتمنى الشفاء العاجل للوالد

    ReplyDelete
  27. يا منعم
    هو والدك فى اى مستشفى
    ارجو الرد سريعا الله يكرمك
    يعنى جمال عبد الناصر ولا الشاطبى ولا ايه بالظبط

    ReplyDelete
  28. أستاذ منعم
    مع أني لم أعرف سيادتكم الا مؤخرا
    ولكن نشاطكم ومن قبله اخلاصكم
    فرض مكانتك تلك في كل القلوب
    فزادك ربي من فضله
    وجعل كل ثوانيك في خدمة دينه
    واعلى رايات الحرية في مصر على ايدينا جميعا ان شاء الله

    ReplyDelete
  29. الف حمدلله علي سلامتك يا حبيب قلبي
    حاول ماتتاخدش في الشورى
    ربنا يشفي والدك ويطمنك عليه يا حبيبي

    ReplyDelete
  30. مش مصدق ان منعم عاد ليكتب من جديد وانا نا باعلق على تدوينة هوا كتبها بنفسه بعد خروجه
    ألف مبرووووك يا استاذ عبدالمنعم وحمد الله على السلامة

    وننتظر بشوق ان تكتب ونردد معك بفخر
    اناإخوان

    ReplyDelete
  31. حمدلله على سلامتك يااخوان واتمنى ان تسوقنا الاقدار للقاء قريب اخوك احمدرامى

    ReplyDelete
  32. ما تشكرش حد يا عبد المنعم... انت تستاهل كل ده و أكتر.. و أهم حاجة انك رجعت بألف خير و سلامة :):):):)

    ReplyDelete
  33. سعداء جداااا باول تدوينة لحضرتك بعد العودة

    في واقع الامر احنا اللي المفروض نشكر حضرتك ...كتير مننا اتعلم من حضرتك الكثير والكثير

    ربنا يجعل اللحظات الماضية كلها في ميزان حسناتك ويتم علي والد حضرتك الشفاء

    ReplyDelete
  34. حمدلله على السلامه يا منعم انا ممكن اكون جديده فى التدوين بس صدقنى انت اللى حببتنى فى التدوين ربنا معاك

    ReplyDelete
  35. أخي منعم
    ألف حمد الله على سلامتك
    ويارب تكون استفدت من المحنة الاخيرة
    ربنا يجعلها في ميزان حسناتك
    ربنا يرزقك كل خير .. ويحميك
    سلامنا للوالد الحبيب شفاه الله
    سلام
    أخوك

    ReplyDelete
  36. اعتقالك اعتقال لمصر كلها

    لانها للاسف محبوسة تحت سطوة نظام اقل ما يقال عنه انه ظالم

    ربنا يجعلها في ميزان حسناتكم

    والي الامام دائما.........

    ReplyDelete
  37. اخي منعم بتشكرنا علي ايه احنا اللي المفروض نشكرك بجد
    انت عرفتني يعني ايه اخوة في الله ... اخويا اللي قلقانة عليه من غير ما اعرفه و لا اشوفه حتي قبل كده
    احنا اللي شكرا بجد ليك
    حسستني ان لسة في فبلدنا شباب بيحبها بجد بعد ما كنت فقدت الامل
    شكرا ليك علي حبك لمصر
    ربنا يكرمك

    ReplyDelete
  38. حمدلله على سلامتك يامنعم واكيد استفدت من التجربه اللى فاتت وطبعا انا واثقه انك هتفدنا ممكن اكون معرفكش بس الحمد لله انا بثق فيك وفرأيك جدا على فكره انا حبيت التدوين منك وبجد نفسى اعرف زياده واتعمل فيه اكتر المهم حمدلله على سلامتك

    ReplyDelete
  39. حمدالله على السلامة يا منعم
    المدونة رجعتلها الانوار تاني
    welcome back ya za3eeeeeeeeeem

    ReplyDelete
  40. عودون احمد

    وربنا يتقبل
    والطريق لسه طويل

    وانى بجد احبك فى الله

    وسلااااااااام

    ReplyDelete
  41. من الجيد أن قدراتك علي الكتابة والتدوين لم تنتهي في تلك الزنازين ...

    أشعر بسعادة غامرة حين أقرأ تدوينة جديدة من أستاذي عبدالمنعم...

    ولكم كان لسماع الصوت أثر كبير...

    أعانكم الله أستاذنا علي حمل تلك المشاعر الفياضة... وجعل تلك الالم في ميزان حسناتكم...

    ReplyDelete
  42. في حاجة غريبة جدا
    انا كنت متعود ادخل على المدونة بتاعتك

    لكن النهاردة بجد في عندي شعوركأني اول مرة ادخلها
    المهم
    حمد الله على السلامة نورت بيتك ومدونتك ونسأل الله الشفاء العاجل لوالدك

    واتمنى ما إن زهوة الخروج ما تشغلكش عن القعدة معاه اطول فترة ممكنة

    وربنا ما يعودها وعقبال ما نهنيك بالعروسة إن شاء الله

    محمد حمزة

    ء

    ReplyDelete
  43. Islam out of Ireland and stuff your terrorism!! doing this evil in the name of religion is just corrupt mental abuse on yourself and denying the freedom of others to live a life apart from Islamic slavery. no support from me and this evil religion is not welcome on my island!
    the celtic man **

    ReplyDelete
  44. the truth is that if you stand agnst Isalmic oppression of simple opinions of how one lives their life, without being forced to adhear to a religion or state control then feel the force of this religion of slavery not peace

    *************************************
    *************************************
    *************************************

    the celtic man **

    ReplyDelete
  45. منعم
    الف حمدالله عالسلامة , وربنا معاك , ودعواتنا كلنا معاك ومع كل أصحاب الكلمة الحرة , فى زمن ضاعت فية الحرية
    ونورت بيتك ومدونتك يا بطل
    أخوك
    حمادة زيدان

    ReplyDelete
  46. السلام عليكم ورحمه الله
    حمد الله على سلامة حضرتك
    ماتتخيلش الحزن الشديد اللى كلنا كنا فية وقت الاعتقال
    وبجد بجد انا سعيدة جدا على خروج حضرتك

    كفارة يا استاذنا

    ReplyDelete
  47. مبرووووووووووووووووووووووك

    حمد الله بالسلامة...

    بس في ملحوظة خطيرة جدا...

    انت واخ بالك من العداد وصل لكام؟ و انت كنت سايبه كام؟

    ده غير إني أساسا لما كنت بدخل... قبل ما تدخل هناك - ربنا ما يرجعك طبعا - كنت بلاقي بالكتير تلات أربع تعليقات.. دلوقتي ما شاء الله... ربنا يبارك:)))))))

    بجد فرحان... لأن في ناس من خيرة رجال مصر اتشال من عليهم ظلم كبير كان واقع عليهم...

    بس لسه حزين.. علي بقية البلد، و حزين أكتر.. علي المحاكمات العسكرية...

    ختاما... عدت يا رويتر الإخوان... ربما يكون هناك فراغا في الساحة ينتظرك لتملأه...

    تحياتي، و تهاني من كل قلبي

    ReplyDelete
  48. الفجرية..أسماء ياسرJune 4, 2007 at 9:48 AM

    اني أشعر بحالة جديدة من حالة جديدة من حالات الالتقاء الانساني لم أشهدها في حياتي من قبل

    لست وحدك أ.عبد المنعم من وصلك هذا الشعور

    فالفترة الأخيرة التى مرت علينا وشهدت اعتقالك وبدأ العسكرية جعلتنى ومعى الكثير نعيش فى تلك الحالة

    ربما هى من أكبر رحمات الله علينا

    الالتقاء الانسانى اللا محدود باتفاق او اختلاف ..عندما يقترب البشر ..وتحيا القلوب

    أتمنى ان تستمر..
    واتوقع ان تستمر ان شاء الله
    فعندما نسعى لان تنال بلادنا حريتها
    ونبذل لذلك كل ما نستطيع
    ونخلص فى ذلك
    ستتفتح فى قلوبنا أبوبا الخير اكثر
    ونسمو على خلافاتنا اكثر
    و نسمح لانسايتنا بالظهور اكثر

    منتظرين تدويناااات

    ReplyDelete
  49. zhsalamu 3alaykom,
    alf 7amdella 3ala el salama ya 2a5 men3em,
    yarab 3o2bal bnds el shater w 2e5wano

    ReplyDelete
  50. السلام عليكم ورحمة الله وبركاته

    في الحقيق انا لا اعرف ماذا اكتب او اقول

    ولكن ان الله اذا احب عبدا فتح عيه
    وكن فتح الله عظييييم جدا

    حب الناس واحترامهم
    البهدلة والسجن والاعتقال والتعذيب و........
    لاجل الله سبحانه وتعالي
    ياله من شرف
    لا ياتيه الله عز وجل الا القليل
    من الشرفاء الصادقين مع الله ونحسبهم كذلك ولا نزكي على الله احدا

    فعلا ليست كاي فترة اعتقال سابقة

    فيها الكثير والكثير من الاحداث والاهم من هذا التغيرات
    نعم التغيرات في الشخصية
    في السلوك
    في القرب من الله عز وجل
    فنرجو من حضراتكم ان تتصدقوا علينا بمثل هذه التجارب والخبرات ..
    والله يجزي المتصدقين

    جزاااااااكم الله كل خير
    اللهم اشف الوالد شفاااااءاا
    طيبا
    لا يغادر سقما
    اسال الله العظيم رب العرش العظيم ان يشفيه
    السلام عليكم

    ReplyDelete
  51. السلام عليكم ورحمه الله وبركاته

    حمد الله علي السلامه يا عبد المنعم .. نورت مدونتك من تاني .. ومنتظرين منك المزيد .. ومنتظرين حكاياتك .. وايه اللي حصل معاك ..

    ... كان نفسي أقول كلام غير ده .. يمكن يكون أقل ظرفه .. بس فضلت أن ميبقاش تعليقي علي أول بوست ليك حاجه غير الترحيب والتعبير عن الأحترام والسعاده بعودتك

    حمدا لله علي سلامتك

    ReplyDelete
  52. أ/عبد المنعم حمدالله على السلامة وأحب أقولك انك كنت سبب فى انى أعمل مدونتى بحب مصر وعلى فكرة انا ساكن قريب من حضرتك فى اسكندرية أوى يمكن تكون تعرفنى بالشبه وأنا حاولت اتصل بحضرتك على الموبايل 0102041ولكن كان غير موجود بالخدمة اتمنى انى اشوفك قبل ماتسافر القاهرة

    ReplyDelete
  53. وحشتنا ياراجل
    المدونة نورت
    شد حيلك الشغل كتير

    ReplyDelete
  54. ألف مبروك الخروج بسلامة الله يا منعم

    أول مرة أهنى حد على حاجة لكن أنت فعلا تستحق التهنئة خصوصا لما قريت رفضك واصرارك على عد الوشاية بأصدقائك ورفاقك

    صدقنى
    أنت وغيرك حتغيروا كتير من فكر الجماعة ومن نظرة المجتمع لها

    ألف مبروك
    تحياتى الحارة والعميقــــــة

    ReplyDelete
  55. الأستاذ عبد المنعم محمود
    مبروك على عبير الحرية الذي تتنسمه الآن و الذي أثبتَّ أنك – ومن معك و من خلفتوهم وراءكم- تستحقونه ربما أكثر منَا نحن كونكم دفعتم ضريبته و مازال غيركم يدفع الضريبة حتى الآن و إلى مدى لا يعلمه سوى الله، في أزمتك هذه كان كل ما يروعني فكرة أن لا تلتقي بوالدك أطال الله في عمره سنين عديدة و آماداً بعيدة ، لكني دعوت أن يخيب الله مخاوفك لأنه على كل شيءٍ قدير.
    و ألف حمد الله عالسلامة.

    طارق منير
    صحفي و مراسل منظمة مراسلون بلا حدود في مصر.

    ReplyDelete
  56. مـــــــبروك الافراج

    ويا رب يجعلها آخر مرة
    وحشتنا فعلاااا

    تحياتى

    ReplyDelete
  57. السلام عليكم

    غالباً حضرتك ما تعرفنيش

    لأنى بدأت تدوين وانتة فى المعتقل :)

    يعنى لما يقولولى أمتى بدأت تدوين ممكن اقول فى الفترة اللى كان فيها منعم فى المعتقل ..

    اى حد من اللى اعرفهم دخلوا المعتقل أسأله إيه الاخبار جوه ؟
    يقولى كانت ايام جميلة الله لايعودها

    فيارب تكون أستمتعت بكل لحظه جوه المعتقل .. وفى نفس الوقت كنت بتجدد النية وربنا يأجرك ان شاء

    تحياتى

    ReplyDelete
  58. ربنا يكرمك يا منعم وحمد لله على السلامة

    ReplyDelete
  59. حمد الله على سلامتك ا. عبد المنعم، ووفقك الله فى طريقك الذى اخترته، وفكرتك التى تعمل لأجلها.
    وموقفك هذا يواقف قول الشاعر "ضع في يدي القيد ألهب أضلعي *** بالسوط ضع عنقي على السكين، لن تستطيع حصار فكرى ساعة .. أو كبح إيمانى ونور يقينى، فالنور في قلبي وقلبي في *** يدي ربي وربي حافظي ومعيني".
    وشفا الله أبا حضرتك وعفاه

    ReplyDelete
  60. حمد الله على السلامة يا بطل .. انتم السابقون ونحن اللاحقون ..
    الحقيقة يا عبد المنعم بعد القبض عليك قناة الحوار اتزنقت فى حد يعمل لها تقارير فمالقوش غيرى واستضافونى اسبوعين على برنامجهم علشان اعلق على قضيتك وكانت فرصة جيدة علشان امارس هوايتى فى التلطيش فى خلق الله هنا وهناك . والتشديد على ضرورة مقاطعة المحكمة العسكرية .. يارب اخوانا يكونوا بيشوفوا القناة ..
    وطالما ربنا فك اسرك بحمد الله اتمنى أن تنضم لى فى الحملة ضد المثول امام المحكمة العسكرية ومناشدة اخوانا أن يمتنعوا عن المشاركة فى هذه المهزلة .. وكفاية اللى حصل لهم الجلسة الماضية .. ويارب يسمعوا صوتنا ..
    حمد الله على السلامة يا منعم .
    أحمد حلمى
    المحامى

    ReplyDelete
  61. عاشق الفاروقJune 4, 2007 at 2:30 PM

    الحمد لله على سلامتك وعقبال مصر آمين

    ReplyDelete
  62. iالحمد لله رب العالمين على خروجك يا عبد المنعم بالسلامة

    ونسال الله ان يمتع جميع المظلومين و المقهورين والمهضومين (شعب مصر كله تقريبا) بالحرية وعودة حقوقهم اليهم

    واخص بهذا الدعاء رجالات هذه الدعوة الشرفاء

    واذكر بقول الله عز وجل" الم . أحسب الناس ان يتركوا ان يقولوا امنا وهم لا يفتنون ..........."


    وقديما قالوا ان الضربة التى لا تقصم الظهر تزيده قوة!!!


    وحمدالله على السلامة مرة اخرى وعقبال اخوانك

    و الحمد لله انى اخوان

    ReplyDelete
  63. mgالسلام عليكم ورحمه الله وبركاته

    يا منعم قد لا تكفيك كل الحملات ولا كل الحب الذي بدا من كل مسانديك وهو قدر قليل ودليل علي تأثيرك واحمد الله لان هذا الحب ما هو الا رضا من ربك

    قد لا تعرفني ولا اعرفك شخصيا ولكنني احيانا احس في كلماتك انك اخ اكبر لي وبقرائاتي لتدوناتك اخد الحكم واطبق القرارات المصيريه

    اخي وحبيبي الذي لا اعرفه اتمني ان اتعرف عليك يوما

    وحمدلا علي السلامه

    ReplyDelete
  64. السلام عليكم ورحمة الله وبركاته

    حمدا لله على سلامة حضرتك

    ربنا يجعله في ميزان حسنات حضرتك

    ReplyDelete
  65. الحمد لله ان الاستاذ الفاضل عبد المنعم خرج بالسلامه وبصراحه انا ماكنتش متوقعه ان الحمن هيتنفذ يعنى(دى الحكومه)
    الحمد لله على كل حال
    وان شاء الله يكون اللى حصل ده فى ميزان حسناتك
    وبصراحه كده فى ناس كتير تابعت موضوع اعتقالك وهيه اصلا ماكانتش بتابع اخبار السياسه دى
    وعرفت ان الظلم لازم ينتهى
    اللهم تقبل00000

    ReplyDelete
  66. عبد المنعم انعم الله عليك بحب الناس وفتح عقولهم وقلوبهم لك فاجعل من كل كلمة بذرة تؤتى اكلها كل حين باذن ربها واشهد الله انى احبك فيه واسال الله ان يثبتنا على الحق وان يجمعنا تحت ظل عرشه يوم لا ظل الا ظله خالد عبدالله aboanas@elnoor.com

    ReplyDelete
  67. معلش عشان انا الفترة اللى فاتت كنت عايش على الاعلام الحكومى فعاوز اعرف انت كان مقبوض عليك ليه

    ReplyDelete
  68. انت تستاهل اكتر من كده يا منعم وعقبال ما نسمع خبر الافراج عن قصاص وعن بقيت المعتقلين

    ReplyDelete
  69. بنت من الاخوانJune 4, 2007 at 6:17 PM

    حمدا لله على سلامتك
    وان شاء الله الايام اللي فاتت ما تتكررش تاني
    واتم الله فرحتك بشفاء والدك قريبا ان شاء الله

    ReplyDelete
  70. حمدا لله على سلامتك و خروجك من السجن أخي ..

    ليس فقط المدونين سعداء ..و إنما قناة الحوار سعيدة بالافراج عنك و عبرت عن ذلك عبر شريطها الإخباري ..

    و طوال فترة اعتقالك كانت تبث المناشدات للافراج عنك ..

    و لا أراكم الله مكروها ..

    ReplyDelete
  71. السلام عليكم..اسفة انيجات اعلق متأخر كده .بس انا كنت متابعة الحديث عن الافراج عنك وسعدت جدا بالخبر
    حمدلله على سلامتك يامنعم .خروجك يعني لنا الكثير ، يعني انتصار للحرية في بلد بتموت فيها الحرية كل يوم
    خروجك بسلام يجعلنا نزداد إيماناً بأن التمسك بحريتنا والدفاع عنها أسمي مانسعى لتحقيقه

    ReplyDelete
  72. مبروك يا عبد المنعم

    .........

    عارف ليه شباب التيارات السياسية كانوا متضامنين معاك ؟

    لأنك ب تحترم الكل , من كل الاتجاهات , و انسان يشرف أى حركة سياسية ينضم ليها
    .................

    انت قبلت الناس يا منعم , زى ما همه , و مش عايز تربى حد ولا توجه حد , انت تضامنت مع ناس من اتجاهات مختلفة فكريا عنك , دافعت عن حريتهم فى التعبير , يعنى عن وجودهم , فبالتأكيد كل الناس المختلفين مع فكرك حايدافعوا عنك كأنك واحد منهم و أكتر
    .......

    انت محترم و ده كفايه قوى اننا نعمل أى حاجه علشان تبقى حر , و معانا بآرائك و أفكارك , حتى لو كنا مختلفين معاها
    .................

    شكرا لأنك حسستنى بالسعادة و الفخر , و اتمنى كل شباب مصر يبقوا فى شجاعتك و احترامك للناس

    ReplyDelete
  73. منعم .... كيفك يا صديقي
    كيف صباح الحرية ؟
    تابعت قضيتك منذ دخولك المعتقل الى ان خرجت .... كنت معك في سجنك وإن لم تراني .... كنت معك بقلبي وان لم تعرفني ... اخي عبد المنعم .... اني مشتاق اليك

    أخوك محمد
    من الاردن

    ReplyDelete
  74. حمدالله على السلامة يا زعيم.

    كنت مستني أول تدوينة لك علشان أقول لك، لكن واضح أن الطابور طال.

    آمل أن تتحسن صحة والدك.

    ReplyDelete
  75. انت هاتخنقنا يا عم انت
    والله ارجعك السجن تاني وسط الجنائيين وطقوس العنبرة المقدسة ولو كنت لحقت تنساها افكرك يا برنس:) خد عندك

    كله يعنبر . . كله يسمع . . يعني العنبر يسمع . . يعني المأمور يسمع . . يعني الدبابير تسمع . . يعني الشاويشية تسمع . . يعني حسني مبارك يسمع . . يعني العادلي يسمع . . يعني كل الظلمة تسمع
    منعم خرج يا جدعان . . يعني الحرية تكسب . . يعني السجن يخسر . . يعني الفكرة تعيش . . يعني القهر يغور . . يعني السور يتهد . . يعني حرية فرد هي حرية بلد
    مبروك يا منعم . . مبروك يا مصر

    ReplyDelete
  76. انت تستحق اكثر من ذلك يا منعم
    فلا تصدق فرحة اهل بيتى كلهم حين سمعوا خبر الافراج عنك

    ولم تمل دعوات والدتى طوال اعتقالك

    حمد الله على السلامة يامنعم
    على فكره انا كنت هبعتلك
    المكرونة البشمل
    نورت بيتك

    عبدالفتاح

    ReplyDelete
  77. كفار يا بطل

    ReplyDelete
  78. لا يا اخى انك تستحق كل هذه المودة والحب فان الله لا يعطى كل هذا الفضل لمن لا يستحقه من الممكن اننا راينا فيك الجزء المفقود فينا وراينا بداية للحلم فى التحقق فغرنا عليه اشد غيره وابينا الا ان يتحقق فكانت كل هذه المشاعر الفياضة
    وفقك الله اخى

    ReplyDelete
  79. تدوينة كانت ناس كتيرة مستنينها من زمان يا منعم

    حمد الله على سلامتك، و غنت اكيد دلوقتى أقوى من قبل كده

    ربنا معاك، و يجعل الفترة اللى فاتت فى ميزان حسناتك إنشاء الله

    ReplyDelete
  80. حمدا لله على السلامة

    وعقبال الافراج عن كل المعتقلين ظلماً وافتراءاً

    ReplyDelete
  81. أيمن سوسة - دبى
    مش عارف حتقرا تعليقى فى وسط الزحمة دى كلها ولا لا. ولو قريته حتفتكرنى ولا لا . بس اظن سوسة حتفكرك
    يا باشا عايز اقولك ان قضيتك عالمية مش فى مصر بس يعنى كل الناس هنا فى الاراضى المقدسة بدبى كانوا زعلانين علشانك ودلوقتى كلهم فرحانين جدا وبيقولولك حمدالله على سلامتك وربنا يتقبل ويشفى الوالد

    ReplyDelete
  82. تقبلها الله منك خالصة مخلصة يا منعم
    مغفرة ودرجات
    حمدا لله على سلامتك :)

    ReplyDelete
  83. حمد الله على سلامتك يا منعم والحمد الله انك بخير وان الحمله التى قمنا بها على مدوناتنا اثبتت ان المدونين فى مصر لهم قوة تخاف الحكومه منه
    اقترح ان تعقد ندوة نجتمع نحنو معك ويحضرها الصحفين نريد ان نتكلم معك عن هذة التجربه
    فكر وحاول
    احمد الجيزاوى

    ReplyDelete
  84. حمد الله على السلامة
    نورت مدونتك بامعلم
    كفارة ان شاء الله
    تحياتي

    ReplyDelete
  85. الحمد لله على السلامة يا منعم... الدنيا كلها قامت علشانك وما حدش قصر والله .. ألف سلامة ومستنينك يا بطل

    ReplyDelete
  86. الحمد لله على السلامة يا باشا .. باسم مدوني مصر في إتحاد المدونين العرب ألف حمد لله على السلامة وطهور ان شاء الله

    ReplyDelete
  87. حمدلله علي السلامه يا منعم
    في ميزان حسناتك ان شاء الله
    مستنين تكلمنا عن السجن و الفتره الصعبه الي كنت فيها هناك و ياريت تكلمنا عن الاخوه الي كانوا معاك كانوا عاملين ايه واستفدت منهم ايه خصوصا مهندس نادر
    :)

    تحياتي

    ReplyDelete
  88. حمدا لله على سلامتك اخى الكريم

    كلماتك رائعة

    ReplyDelete
  89. ساعد نسرين الأيمنJune 6, 2007 at 1:42 AM

    السلام عليكم ورحمة الله وبركاته
    اشهد الله اني احبك في الله دون ان القاك
    ثانيا ارجو ان يكون الوالد الان بخير
    ثالثا : شكرا لانك ذوقتني الفرحة في غربتي
    فحق كان يوم خروجك يوم عيد بالنسبة لي هنا
    يوم شعرت فيه ان البلد اللي انا غايب عنه لسه فيه امل وفيه فرح وفيه ناس زيك
    عبدالمنعم انا احبك واعرفك وانت هل تعرفني ؟
    لا اعتقد ذلك لكني واحد ممن انبهروا بشجاعتك وصمودك ممن اعجابوا بكفاحك من اجل فكرتك
    عندما تم القبض عليك شعرت بالحزن الشديد وعلفت في مدونة منال وعلاء مناديا ان نبدا حملة كلنا سعد الصغير بعد انا شعرت ان هذا البلد لا يريد سوي التفاهين الراقصين الفاقدين المبادئ
    ولكن مع استمرار حبسك استعرت كلمة الدكتور الرائع محمد عباس ووضعت اسمي ف كل المنتديات والميل - اللهم اجعل عبدالمنعم محمود كسعيد بن جبير اخر من يفتك بيهم الطاغية-
    لكنك خرجت يا منعم معلنا وبكل فخر انه ما زال ف مصر مكان للشرفاء
    فحمدا لله ع سلامتك اخي الغالي وانا ف خدمتك في اي وقت
    بالمناسبة انا ايضا اشكر نورا يونس ومنال وعلاء واسد للتضامن معك لكن اوجه الجزء الاكبر من شكري لنوراة نجم
    البنت ديه واضحة انها جدعة جدا وكنت حاسس من كلامها اد ايه هي خايفة عليك
    ومبروك عليك حب الناس

    ReplyDelete
  90. كتب عبد لمنعم محمــود

    عبارة كم تشوقنا لرؤيتها
    أنا أول مرة باعرفك من خلال الحملة التى قام بها أصدقائك
    ويعلم الله شعورى حينما قرأت كلماتك التى أبكتنى
    والله يا أخى لا أجاملك فأنت لا تعرفنى ولا أعرفك
    ولكنى عرفت الأن من هو ذلك الإنسان الذى يستحق الوقوف إلى جانبة
    وكم كنت أتمنى أنا وكثيرين جدآ الوقوف إلى جانبك بأى شىء
    ولكن لم نجد غير الكلمة والدعاء لك بالحرية
    وأتمنى من الله عز وجل أن يحفظك فى ظل والديك الكرام متعهم الله بالصحة والعافية
    وأتمنى من الله أن يفك أسر مصر وتكون هى كمان حرة
    ربنا يفك سجنك يا مصر .

    ReplyDelete
  91. همسات تربويةJune 6, 2007 at 5:20 AM

    مبروك يا مولانا
    حمدا لله على سلامتك ، والله وبقيت واحد مهم قوي ياواد يا منعم .. كل شوية رايح جاي عليهم .. انت عامل معاهم ابونيه والا ايه الحكاية

    عمك اسماعيل

    ReplyDelete
  92. مبروك الحرية مبروك و عقبال حرية بلدنا

    أحمد المصري
    مدونة بحب مصر

    ReplyDelete
  93. الف مليون حمدلله على السلامه يا بطل
    وحشتنا ياراجل
    والله كنت بادعى لك فى كل صلواتى انه ربنا يفك اسرك
    الف حمدلله على السلامه
    متتصورش قد ايه انا فرحت برجوعك
    عارف يوم ما قرئت خبر الافراج عنك وزعت على اصحابى فى السكن عندى
    عصير قصب
    معلش هى قليله شويه
    بس انا قلت لهم انى هاجيب لهم تورته كبيره وحلويات كتير
    لما يخرج الاستاذ خيرت الشاطر وباقى اخوانه
    ربنا يفك اسرهم يارب

    ابقى زور مدونتى بقى
    منتظرك هناااااك
    ودعواتك اخى الكريم
    السلام عليكم

    ReplyDelete
  94. تعجز الكلمات ان تعبر عما يجيش بصدورنا من فرحة بمناسبة خروجك

    ReplyDelete
  95. I'm very happy for you Monem! 7amdillah 3ala salamtak, and insha'Allah this experience will only make you stronger!

    ReplyDelete
  96. حمدا لله على السلامه أستاذ عبد المنعم

    وفي ميزان حسناتكم بإذن الله

    ReplyDelete
  97. حمدا لله على السلامه أخي عبد المنعم

    وفي ميزان حسناتك بإذن الله

    أسعدني حقا عودتك :):)

    ReplyDelete
  98. استاذ عبد المنعم..الف مبروك الافراج وربنا يجعل اللى فات واللى جاى فى ميزان حسناتك.وبجد انا بغبط حضرتك على حب الناس وربنا يرزق حضرتك الاخلاص

    ReplyDelete
  99. حمدا لله على السلامة يا استذنا

    ReplyDelete
  100. أنا عارف ان أيام السجن علي الرغم من شدتها إلا إنها ايام جميله انا صراحه جربت ليالي كده وابويا الحمد لله جرب كتييييييير
    ..وعل رأي الحاج عباس السيسي رحمه الله عليه (كانت ايام حلوه الله لا يعيدها)

    ReplyDelete
  101. ألف مبروك العودة

    عقبال كل معتقلينا في سجون مبارك

    ReplyDelete
  102. عودا احمد يا منعم
    حمدا لله على سلامتك
    عقبال كل واحد معتقل
    يارب
    اخوك
    محمود

    ReplyDelete
  103. "أنا إخوان ... أنا حر"

    ياتري ممكن ييج اليوم ده بجد ... ونبقي كلنا .. إخوان ناصريين يساريين ....

    كلنا المصريين أحرار؟؟

    ألف مبروك يا منعم باشا ... اسكندرية نورت ... ومستنيين نقابلك ...

    وبرضه ... علي رأي الحاج عباس السيسي رحمة الله عليه (كانت ايام حلوه الله لا يعيدها)

    ReplyDelete
  104. :)
    سعدت جدا لما دخلت لاقيت تدوينة جديدة من حضرتك
    :)

    ربنا يضرى عنك و يرضيك و يكرمك بالخير و الثبات على الصراط المستقيم
    :)

    ادعو الله ان يكون الوالد بخير حال
    :)

    ReplyDelete
  105. فمرة تانية حمد الله على سلامتك وألف مبروك
    فرحت جدا أنك قرأت كل التعليقات، عاوزة أشكرك لأن بجد موضوعك صحى فيه حاجات كتير كانت نايمة وكنت افتكرتها ماتت خلاص، وأكيد مصر تحتاج للحرية.. مصر تحتاج لنا.. مصر تحتاج الكثير.. وهى بلا شك تستحق أن نبذل فى سبيلها الكثير

    ربنا يثبتك ويقويك ويثبتنا معك، وربنا يوفقك فى الامتحانات بإذن الله

    ReplyDelete
  106. ألف حمد الله على السلامة يا منعم و ربنا يقوم الوالد بالسلامة قريباً ان شاء الله.

    على الرغم من إني لأول مرة أشوفك فيها كان يوم الإثنين الماضي إلا إني سبحان الله كأني أعرفك من زماااان.

    هيه مش غريبة أوي خصوصاً لما طلعت تعرف معظم دوائر أصدقائي في مصر و دوائر الدوائر كمان.

    فعلاً أشعر بسعادة و فخر بيك كصديق و أتمنى أن تكون أخوتنا في سبيل الله.

    أخوك أحمد سليمان
    www.ikhwangy.com

    ReplyDelete
  107. حمد لله على السلامة يا أستاذ عبد المنعم

    رغم الانشغال
    في الامتحانات كنت بادخل كل يوم اشوف نزلت التدوينة الجديدة و لا لسة

    و ان مبسوطة دلوقت اني لقيتها

    ربنا يحفظك و يعينك

    و يوفقك في امتحاناتك برضة

    ReplyDelete
  108. المدعو نكنيف الكافر بالله ورسوله الكريم صلى الله عليه وآله وسلم

    حسبنا الله ونعم الوكيل فيك وفى أمثالك
    سوف تكون وقود النار بإذن الله أنت وكل من تبعك أيها الكافر
    أنا بكرهك يا كنيف

    ReplyDelete
  109. Mabroor Ya men3am .. how is your father hope he is feeling better now you are out ...

    ReplyDelete
  110. حمد الله على سلامة حضرتك
    وان شاء الله تكون غُفرت ذنوبك كلها وكتبك الله من الصابرين المحتسبين أجرهم عند الله تعالى
    ومبروك لحضرتك على الافراج
    عقبال أبى واخوانه
    نيرة عصام عبد المحسن

    ReplyDelete
  111. نكنيـــــــــــــــــف

    أنا باكرهك
    أنا بكرهك
    أنا باكرهك
    أنا باكرهك
    أنا بكرهك
    أنا بكرهك
    بكرهك يا كنيف

    ReplyDelete
  112. ألف حمد لله على السلااااامة يا استاذناااااااااا

    ReplyDelete
  113. الف حمد الله علي سلامتك يا منعم و ربنا يجعلها اخر الاحزان

    ReplyDelete
  114. و الله لقد فرحنا بخروجك فرحا لا يضاهيه سوا حزننا لغيابك

    حمد لله على السلامة يا بطل
    وزى ما انت قلت مصر محتاجة الحرية والحرية محتاجة تضحيات

    ___________
    انت ليك رسالة عندى فى المدونة على فكرة

    ReplyDelete
  115. حمدالله ع السلامة يا منعم

    كان نفسي أقولها من بدري بس النت عندي كان فاصل من أسبوع لحد النهارده

    ألف مبروك.. و شفا الله والدك

    ReplyDelete
  116. صاحب الحق عينه قوية
    وانت صاحب حق وقريبا سياتى الفجر وان كنت لست اخوانيه ولكنى اهنيك من اعماق قلبى لانك تستحق
    تحياتى

    ReplyDelete
  117. الحمد لله على سلامتك
    ربنا كريم

    ReplyDelete
  118. الأخ العزيز /منعمسلام الله عليك ورحمته وبركاته
    نحمد الله على أنه عافاك من البلاء الذى كنت فيه ونسأل الله أن يجعل ذلك فى ميزان حسناتك
    جعلتنا -نحن المدونيين- نلتف حول هدف واحد وهو المطالبة بإطلاق سراح أخينا منعم وتوحد الجميع وراء ذلك رغم إختلاف الأيدلوجيات
    أرجوأن تحرص ياأخى منعم أن نقف بجوار أى مدون مهما كان صغيرا
    يا هلا بك يا منعم
    وأطمع أن تزور مدونتى كراكيب مصرية وتكتب تعليقا
    سلام الله عليك ورحمته وبركاته

    ReplyDelete
  119. الأخ الكريم عبد المنعم
    السلام عليكم ورحمة الله وبركاته
    حمدالله على سلامتكم وأظن أنها تجربة ليست مسبوقة أرجو أن يوفقك الله فيما تحمله الآن من أمانة اتضحت معالمها ونضجت تجربتها وتجذرت أصولها وذوقنا بعض نتائجها أدعو لك بالتوفيق ولوالديك بدوام الصحة وقد فشلت فى الإتصال بك لتغيير الرقم والى لقاء قريب ان شاء الله
    جمال حشمت

    ReplyDelete
  120. الأخ الكريم عبد المنعم
    السلام عليكم ورحمة الله وبركاته
    حمدالله على سلامتكم وأظن أنها تجربة ليست مسبوقة أرجو أن يوفقك الله فيما تحمله الآن من أمانة اتضحت معالمها ونضجت تجربتها وتجذرت أصولها وذوقنا بعض نتائجها أدعو لك بالتوفيق ولوالديك بدوام الصحة وقد فشلت فى الإتصال بك لتغيير الرقم والى لقاء قريب ان شاء الله
    جمال حشمت

    ReplyDelete
  121. السلام عليكم حمد لله علي سلامتك يااخي وجعل الله ذلك في ميزان حسناتك ورفعك بها درجات وحط عنك بها خطايا ويارب تكون التجربة دي رفعت ايمانك0
    واذكرك بشئ ياخي واعلم انه ليس وقته ولكن من باب النصح والاخوة في الله اذكرك بتجديد نيتك لله عز وجل0

    ReplyDelete
  122. طبعاً أنا جاى متأخر جداً يعنى

    بس حمداً لله على السلامة :-D

    ReplyDelete
  123. الف حمد لله علي السلامة اخي عبد المنعم كفارة والله لا اصدق انك حر بالفعل الا لما دونت احنا في منتهي السعادة انك خرجت
    الحمدلله والشكرلله فعلا وكان فضل الله عليك عظيما
    انا عايزة اقولك ان ماما نفسها كانت متابعة اخبارك ومصدقتش وكانت في منتهي الفرح وكلنا سعداء
    ان شاء الله تكون تعلمت حاجات كتير وصممت علي حريتك ودعوتك ربنا يوفقك وينصرك اللهم امين وابقي طمنا علي الوالد احواله ايه
    ربنا يشفيه ويعافيه اللهم امين

    ReplyDelete
  124. على الرغم ان هذا التعليق رقم 129 و قد لا تجد الوقت الكافي لقراءتة..الا اني اردت ان اكون في زمرة المهنئين ..تابعت حبسك..وشعرت في كل يوم يمر عليك و على زملائك المعتقلين...ان الهواء في مصر خانق..وان الحرية التي أملكها..تكوي عنقي كطوق ناري..لإن امثالك من الشرفاء لا يملكونها...سمعت عنك اول مرة من مدونة نوارة ..ثم قرات بعض تدويناتك..و تابعت تدوينتك على الدستور..والان فقط
    بإمكاني ان اقول
    اني فخورة بك مصري..و فخورة بك إخواني
    لأن امثالك يا منعم..جعلوا وجه الإخوان
    شديد الوسامة
    صبر الله اهلك...و عظم ثوابك و ثوابهم
    و جزاك عنا و عن أمة الإسلام خير جزاء

    ReplyDelete

abdoumonem@gmail.com