Sunday, April 6, 2008

مفاجأة: الإخوان المسلمين يعلنون غدا مقاطعتهم للمحليات

حصلنا علي البيان الذي ستصدره غدا جماعة الإخوان المسلمين لاعلان موقفها من انتخابات المحليات والذي تدعو فيه الشعب المصري لمقاطعة الإنتخابات لكون الجماعة لم تستطع التقدم لهذه الانتخابات , البيان نشرته الجماعة في جريدة الدستور التي ستصدر صباح الإثنين في إعلان مدفوع الأجر والذي جاء نصه
لقد تعامل النظم المصري مع الانتخابات المحلية بطريقة إقصائية ، لكل القويالحية والفاعلة بالمجتمع المصري وفي القلب منها جماعة الإخوان المسلمين ومارسكل أنواع التعويق بداية من المنع ، من الترشيح ، واعتقال أكثر من 900 من أعضاءالإخوان المسلمين وإهدار كل الإحكام القضائية التي صدرت في إدراج أسماءالمرشحين، وبوقف الانتخابات في كثير من المحافظات وبناء علي ما تقدم فإننا نودالتأكيد علي الأمور التالية .
أولا : أننا سنظل نكافح سياسيا وقانونيا ، حتى انتخابات المحليات في حالإجراء ،وهذه
دعوة الشعب إلي مقاطعة هذه الانتخابات واحتراما للشرعية والتي عبرت عنها أحكامالقضاء والتي أهدرتها الإجراءات الحكومية .
سنظل نواجه الاستبداد والفساد ونسعي سلميا إلي الإصلاح والتغير عبر القنواتالدستورية والقانونية في يحقق وطننا وتقدم وامتنا ونتوجه بالشكر للإخوانالمسلمين الذين ضحوا وصبروا ابتاغا لوجه الله ولتحقيق مصلحة الشعب والوطن وكذلك لجمهور شعبنا الحبيب الذي أزرنا وايدينا في كل المحن والشدائد
الإخوان المسلمون

20 comments:

  1. السلام عليكم
    أعتقد أنها لم تكن مفاجأة بقدر ما كان متوقعا
    من قبل وفى إنتخابات الشورى رغم السماح بالترشيح فقد قاطع الإخوان الانتخابات فى الإثناء
    والأن لم يسمنح بالترشيح فلما المشاركة
    حسبنا الله ونعم الوكيل

    ReplyDelete
  2. احنا في ايه و لا في ايه بس
    http://news.search.yahoo.com/search/news?ei=UTF-8&p=egypt&c=images&datesort=1&xargs=12KPjg0u5Sr4e9mvinEOOIMLrcmUsOkZ-x8bo_XIR7GtYq8DtcV_wmXuHJwPUmEK7O2A94-8jXqfZUf6uZzbjPTkrNEmGMGpIe64SP_I1_ZwCcWqVCL4IuStoHvoNTIEM0ilyhfpuMmULtMObRd0xbsM803YLRz8N4h5bjgv7WLhqfYBVhK2Jgfptk3fBvss-3KI8LTKyVQiqvmzOU-Njgj93RoN71bTURXC6D1F8.&pstart=4&b=41
    المحلة بتتحرق
    و فيها مجزرة

    ReplyDelete
  3. تقبل الله منا ومنهم !

    ReplyDelete
  4. معلش ياباشا مع احترامي بس الاخوان باعوا الشعب المصري

    في كلمات مختصرة ومع احترامي

    الاخوان بيلعبوا لعبة التوازنات
    وهي نفسها التي بتعملها الحكومة مع امريكا اذن لاتعيب على الحكومة لان عليها ضغوط زي ماالاخوان عليها ضغوط او ليها حسابات

    الاخوان اصبحت كيان منفصل عن الشعب واصبح شكل هلامي
    الاخوان لو كانوا مسكوا كان زمانهم ترهلوا لان الزمن كفيل بضعف اي كيان فمابالك بانهم لسه عاوزين يبتدوا

    الاخوان قياداتهم بيلعبوا على الحبال ومش هيوصلوا لحاجة

    ده في اختصار شديد ماهو عليه الاخوان

    اه الاخوان مع تعاطفي الشديد وتشجيعي لهم واملي في انهم يعملوا حاجة

    ولكن ان لم يتداركوا مسارهم نحو المنزلق اللي هم ماشييين فيه فإنهم
    سيخسروا الكثير والكثير
    ايه معنى انه يضيع مجهود ويخلي ناس من عنده تعتقل في سبيل انتخابات الشعب او المحليات عملت ايه لما وصلت للمجلس يعني او هتعمل ايه ولا حاجة هو بيمرر اللي هو عاوزه
    وفي النهاية عمر مالعبة الديمقراطية هتوصلك لحاجة الا بتنازلات تجعلك اسوأ مما هو موجود

    اللهم هل بلغت اللهم فاشهد

    ReplyDelete
  5. يا جماعة الموضوع لا هو توازنات و كمان لا يوجد في مصر حبال يتلعب عليها

    الموضوع هو منهج تغيير يري انه لا بد من التربية لجيل مسسلم يناضل سلميا بالدعوة حتي يتغير الرأي العام نحو الاسلام ولا يوجد في هذا المنهج التغييري هبات وثورات فوضوية

    افهموا الاخوان قبل ان تحكموا عليهم

    ReplyDelete
  6. يعني هو ده اللي قدروا عليه الاخوان يا منعم؟؟
    يقاطعوا الانتخابات علشان هما مش مشتكرين فيها؟؟
    طيب و عملوا ايه للناس اللي بتموت في المحلة
    و ليه مشاركوش في الاضراب؟؟
    و ليه عمرنا ما سمعنا عن حاجة عملوها الاخوان تبل الريق
    والله عيب علي الحزب انه يظهر بوشه بعد كده و يتكلم عن الحريات و الحقوق المدنية و كل الكلام الكبير ده اللي الاخوان مش حيقدروا عليه و لا عاوزين يعملوا فيه حاجة
    مادام المصلحة مش ليكوا مبتتعبوش نفسكوا ابدا
    انا مش عارفة امال الشعب اللي مش لاقي ياكل ده مش من بقية ناسكوا ولا ايه
    و لا هي فلسطين و غزة اهم عندكوا من اهل مصر
    و لا يمكن عدم مشاركتكم في الانتخابات هي دي المشلكة العويصة؟؟
    يا ريت ترد بالنيابة عن الاخوان المسلمين بما انك المتحدث الرسمي و الغير رسمي و التدويني بتاعهم
    شكرا مقدما

    ReplyDelete
  7. صحيح نسيت اقلك
    الخبر لا هو مفاجأة و لا يحزنون
    متوقعين حركة قرعة من الاخوان زي دي
    عادي مش اول مرة يعني
    يا ما جاب الغراب لامه

    ReplyDelete
  8. يااااااااااه
    اخيرا متأخرين قوي
    تحية لصاحب مدونة أمواج التغيير
    فقد كان اول صوت عاقل تجرأ وطلب من الجماعة ذلك

    ReplyDelete
  9. اذا قام الاخوان بعمل يتركوا وحدهم فيه ، فاذا غضبوا من ترك الناس لهم وحدهم اتهمهم الناس بأنهم يؤلهمون أنفسهم ويجبرون الناس على تبني وجهات نظرهم ، والآن بسبب الاضراب يتأله الذين شاركوا في الاضراب ويعتبرون ان الأمر به نزل من السماء ولا يجوز أن يخالفه أحد والا صار كافرا بالوطنية وبالشعب ، بصراحة قمة الديكتاتورية أن تلغي رأي غيرك وتعاديه بسبب رأيه ووجهة نظره التي تبناها
    بالفعل نحن في غاية البراعة في الخلاف والبحث عن أي سبب للبغضاء والفرقة ، ولكننا في غاية الخيبة في البحث عن نقاط الاتفاق والتجمع حولها
    صارت القاعدة نتعاون فيما اتفقنا عليه وليقتل بعضنا بعضا فيما اختلفنا فيه
    الاخوان ليسوا مائتين ثلاثمائة واحد مثل كفاية ، الاخوان كيان كبير ومنظم يجب أن يحترم ولو أخطأ ننصحهم وننتظر أوبتهم فالصف الوطني من غيرهم يخسر الكثير ولو كان تقديرهم صحيحا للأمور فهو مكسب للبلد كلها
    كلمة أخيرة لأصحاب الاضراب : بما أن الاضراب نجح كما تقولون وبما أن الحكومة لن تستجيب كما تعلمون فما هي خطوات تصعيد الاضراب ؟ هل ستخرجون الناس من بيوتهم الى الشارع للتظاهر ؟ هناك فرق كبير بين أن تقنع الشعب ياخد أجازة ويجلس ببيته وبين أن تقنعه أن يخرج للتظاهر ولو حتى في البلكونة فلا يغرنكم يوم أجازة استجاب له الناس ليأنتخوا في بيوتهم ويتفرجوا على التلفزيون واحنا لسه في أول السنة ورصيد الاجازات بخيره

    ReplyDelete
  10. أبو أيمن محمدApril 7, 2008 at 3:10 AM

    الاخوان بينسحبوا قبل الانتخابات بيومين وهذا حفظا لماء وجه القيادة امام جنودها بل ويدعون الشعب للمقاطعة ! طيب بالله عليكم متي ستتحرك قواعدهم لشحن وتعبئة الجماهير للمقاطعة ؟
    الاخوان بينسحبوا بعد ماركبوا دماغهم زي كل مرة وبعد ماخسروا ماديا ومعنويا ولا أعرف ماذا كسبوا ؟

    ReplyDelete
  11. مقاطعة الأضراب والمحليات خطوات موفقة وان جائت متأخره ارجوا انت تتلوها الخطوة الأكبر التى اشار لها الأخ فليعد للدين مجده

    اثلجتم صدرى

    ReplyDelete
  12. سيدي اعذرني ليس عندي تعليق ولكني ساقول كلمة واحدة سمعتها اليوم من أخي....(متهيالي الناس هتروح الانتخابات بكره مخصوص عندا في الاخوان بعد ما باعونا في موضوع الاضراب)......وهكذا لك أن ترى رأي شطر من الشعب ليس بقليل في تصريح الإخوان المسلمسن..

    ReplyDelete
  13. الاخت hafssa
    أظن أنه من غير المناسب أن نصف تصرفات ناس بقالهم 80 سنة لم تخلو منهم السجون ، ورفد من الوظائف وتضييق علي الأرزاق ومحاكم عسكرية واعدامات
    بأنهم

    (يا ما جاب الغراب لأمه)

    عيب الاخوان أنهم مؤدبين ومش فاضييين للجدل

    ReplyDelete
  14. كل اللى هاممكم الانتخابات

    حتى لو فية انتخابات على فرن بلدى هتجروا وراها

    انتم عايزين اية مننا بالظبط

    اولا عملتم عيشة وخلعتم من الاضراب لانة مش جاى على هواكم مهها قلتم من اعذار فاضية

    ثانيا سبتم التور ومسكتم ديلة

    طيب انسحبتم من الانتخابات لية

    ولية عايزين تدخلو االانتخابات اساسا

    ولا السياسيون الاخوان المتاسلمون اللى كل شوية يقولوا الاسلام هو الحل لحد ما الكلمه فقدت معناها

    ReplyDelete
  15. مالك الحزين

    لم أستطع أن أقاوم رغبة الرد عليك

    أنت قدامك 10 سنين علشان تفهم الدنيا ماشيه أزاي
    و 10 تانيين علشان تفهم الأسلام محتاج أيه
    و 10 سنين علشان تفهم في السياسة
    و 10 سنين علشان تفهم فكر الأخوان الراقي

    و تكون بكده أتممت الأربعين سنة و بلغت أشدك

    على أعتبار أنك الأن تفهم فقط في
    الثور و عصعوصه

    أخوك مالك فرحان أوي

    ReplyDelete
  16. اعتقد اني مازلت الوم علي جامعتي عدم المشاركة في الاضراب حتي الان بل ارفض اسلوب التخويف من الاضراب والذي قام به قيادات كبري في الجماعةاإلا اني اقدر هذا الموقف منهم كحركة سياسية اختارت موقف بعينه
    اما الاخ مالك الفرحان المعقب علي الحزين اعتقد اخي الفرحان انك انت الذي تحتاج فترة طويلة حتي تفهم الاخوان صحيحا حتي لو كنت منهم

    ReplyDelete
  17. طيب أنا راضي بزمة كل المعلقين و المارين

    منطق مالك الحزين على نفسه
    و منطق عبد المنعم اللي مش عارف هو عايز أيه

    أم منطقي و منطق الأخوان المسلمون

    و أنا راضي بحكمكم

    مالك الفرحان أوي

    ReplyDelete
  18. الى الاخ الغير معرف اللى فرحان قوى

    طيب يا عم الاخوان عايزين اية بالظبط

    كل سعيهم الحالى الى الانتخابات

    الى الحكم
    سواء انتخابات مجلس شعب او انتخابات محليات اونقابات

    ايه تانى يهم الاخوان قول انت بقى

    مفيش

    بلاش بالله عليك تقولى كلام بتاع خطب و مواعظ

    يمكن انا قدامى 10 سنين عشان افهم الاخوان عايزين اية

    بس انتم قدامكم اكتر من كدة عشان تفهموا انتم عايزين اية

    وبالنسبة للفكر الراقى بعين نتكلم فى الموضوع دة لان هنا مش مجاله

    ReplyDelete
  19. جزاكم الله خيراً

    ReplyDelete
  20. ما كنت اتوقع من الأخوان ان يكون هذا موقفهم لأنني اعتدت منهم علي الإقدام والشجاعة ، لكني اعود واقنع نفسي ان لديهم ما يبرر لهم موقفعم خصوصاً ان النظام الوقور اول ما يفعل سينسب اي تخريب الي الإخوان ، ادعوا الله ان ينير بصيرتهم للخير

    ReplyDelete

abdoumonem@gmail.com